ތާރީޚާއި ސަޤާފަތް ކުރިއެރުވުމަށް ކުރެވިދާނެ ކަންކަމާމެދު އެޑިޔުކޭޝަން މިނިސްޓަރ ޑރ. ޢާއިޝަތު ޢަލީ އާއި، މިނިސްޓަރ އޮފް އާރޓްސް، ކަލްޗަރ އެންޑް ހެރިޓޭޖް- ޔުމްނާ މައުމޫން މަޝްވަރާ ކުރައްވައިފިއެވެ.
މި ބައްދަލު ކުރެއްވުން އޮތީ މިނިސްޓްރީއޮފް އެޑިޔުކޭޝަންގައި އިއްޔެ އެވެ.
މި ދެ މިނިސްޓްރީ ގުޅިގެން ރާއްޖޭގެ ތާރީޚާއި ސަޤާފަތް ކުރިއެރުވުމަށް ކުރެވިދާނެ ކަންކަމާބެހޭ ގޮތުން މަޝްވަރާ ކުރެއްވި އިރު މިނިސްޓްރީ އޮފް އާރޓްސް، ކަލްޗަރ އެންޑް ހެރިޓޭޖުން ގެންދަވަނީ މިހާރުވެސް އެމަސައްކަތް ކުރައްވަމުންނެވެ. މިވަގުތު އެމިނިސްޓްރީން ކުރައްވާ އެންމެބޮޑު އެއް ކަމަކީ ކަޅުވަކަރު މިސްކިތް ސަލްޓަންޕާކުގައި ބެހެއްޓުމުގެ މަސައްކަތެވެ. އެމަސައްކަތުގައި ބައިވެރިވާން ބޭނުންވާ ފަރާތްތަކަށް އެފުރުސަތުވެސް މިހާރުވަނީ ހުޅުވާލައިފައެވެ.
