ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، ތިން ސްޓޭޓް މިނިސްޓަރުންނާއި ސަފީރަކު ޢައްޔަން ކުރައްވައިފިއެވެ.
ސަފީރަކު ޢައްޔަން ކުރެއްވީ އަވަށްޓެރި އިންޑިޔާއަށެވެ. ދިވެހިރާއްޖެއިން އިންޑިއާއަށް ކަނަޑައަޅާފައި ހުންނަވާ ސަފީރުކަމަށް ޢައްޔަން ކުރެއްވީ ހ. ދޫރިހާ، ޢާއިޝަތު މުޙައްމަދު ދީދީއެވެ. އެކަމަނާއަކީ ރައީސް މައުމޫންގެ ވެރިކަމުގައި މިނިސްޓަރުކަން ކުރެއްވި ބޭފުޅެކެވެ.
އޭގެ އިތުރަށް ރައީސުލްޖުމްހޫރިއްޔާ ވަނީ ތިން މިނިސްޓްރީއަކަށް ތިން ސްޓޭޓު މިނިސްޓަރުން ވެސް ޢައްޔަން ކުރައްވައިފައެވެ. އެގޮތުން މިނިސްޓަރ އޮފް ސްޓޭޓް ފޮރ ހޯމް އެފެއާޒްގެ މަޤާމަށް ޢައްޔަން ކުރައްވައިފައިވަނީ ފުވައްމުލަކު ސިޓީ ދިގުވާނޑު، ނޫރުވާދީ، ޢަލީ ނަޒީރެވެ. މިނިސްޓަރ އޮފް ސްޓޭޓް ފޮރ ފިނޭންސްގެ މަޤާމަށް، ޢައްޔަން ކުރެއްވީ ގަލޮޅު އަލިޝާ، އަޙްމަދު ޝަރީފެވެ.
މިނިސްޓަރ އޮފް ސްޓޭޓް ފޮރ ޓްރާންސްޕޯޓް އެންޑް ސިވިލްއޭވިއޭޝަންގެ މަޤާމަށް، ޢައްޔަން ކުރެއްވީ މާފަންނު އުނިމާ، އަޙްމަދު ޢާދިލެވެ.
