ނޫސްވެރި ކަމުގެ ޝަރަފުގެ އަލިމަސް ގަލަން ރާއްޖޭގެ ކުރީގެ ރައީސުލްޖުމްހޫރިއްޔާ އަލްއުސްތާޒު މައުމޫނު ޢަބްދުލްޤައްޔޫމާއި އިތުރު ބޭފުޅުންނަށް މިރޭ ދެއްވައިފިއެވެ.
އެމަނިކުފާނުގެ އިތުރަށް ހަވީރު ނޫހޫގެ ކުރީގެ ޗެއާމަން ޑރ. މުޙައްމަދު ޒާހިރު ޙުސައިނާއި، އާފަތިހުގެ ކުރީގެ މުޢައްސިސް ޢައްބާސް އިބްރާހީމާއި، ކުރީގެ މަޝްހޫރު ނޫސްވެރިޔާ އަޙުމަދު ޒާހިރު (ސީނާ) އާއި، އަލްއުސްތާޒު އިބްރާހީމް ރަޝީދު މޫސާއި، ދިވެހިބަހުގެ އުސްތާޒު ޢަބްދުﷲ ޞާދިޤާއި، ކޮޕީ މުޙައްމަދު ރަޝީދާއި، ޢަބްދުﷲ ފާރޫޤު ޙަސަން ހިމެނިވަޑައިގަންނަވައެވެ.
މިބޭފުޅުންނަށް އިނާމް ދެއްވީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލީހެވެ.
