އިޖިޕްޓްއެއަރގެ ގެއްލިފައިވާ އެމްއެސް 804 ގެ ކަޅުފޮށި ހޯދުމުގެ މަސައްކަތާ ފްރަންސޭސިވިލާތުގެ އަސްކަރީ އުޅަނދުތަކުން ބައިވެރިވެއްޖެއެވެ.
އެޤައުމުގެ އަސްކަތިއްޔާގެ ފައުޖުތަކުގެ ތެރެއިން މިބާވަތުގެ މަސައްކަތްކުރުމުގެ ޚާއްސަ ތަމްރީންތައް ލިބިފައިވާ ފައުޖަކުން ވަނީ އެމްއެސް 804 ގެކަޅުފޮށި ހޯދުމުގެ މަސައްކަތް ކުރަމުންދާ ޓިމާ ގުޅިގެން މިހާރު އެމަސައްކަތް ކުރަން ފަށާފައެވެ.
ފަރަންސޭސިވިލާތުގެ ޕެރިހުން މިސްރުގެ ޤާހިރާއަށް ދަތުރުކުރަމުންދަނިކޮށް 66 ހަމީހުންނާއި އެކު އިޖިޕްޓް އެއަރގެ ފްލައިޓް ވަނީ ގެއްލިފައެވެ. އެބޯޓު ވެއްޓިފައިވާކަމަށް ނިންމައި، ފަރަންސޭސިވިލާތާއި ކަމާބެހޭ ބައެއްފަރާތްތަކުންވަނީ އެކަން ޔަޤީންކޮށްދީފައެވެ. އަދި އެބޯޓުގެ ބައެއް ބައިތައްކަމަށްބުނާ އެއްޗެހިތަކެއްވެސް ވަނީ އެސަރަޙައްދުގެ ކަނޑުން ފެނިފައެވެ.
އެބޯޓު ވެއްޓުނު ސަބަބު ހޯދުމަށް ކަމާބެހޭ ފަރާތްތަކުން މަސައްކަތްކުރަމުންދާއިރު، އަދި އެސަބަބު ހޯދައި އެކަން ހާމަކޮށްފައެއްނުވެއެވެ. އެހެންނަމަވެސް ބޯޓު ވެއްޓުނީ ޓެރަރިސްޓް ހަމަލާ އަކުން ކަމަށް ލަފާކުރެވޭ ކަމަށާ އެހަމަލާ ދިނީ ހައްދުފަހަނައަޅާފައިވާ އައިއެސް ޖަމާޢަތުންކަމަށް ބެލެވޭކަމަށްވެސް ކަމާއި ބެހޭ ފަރާތްތަކުން ވަނީ ތުހުމަތުކޮށްފައެވެ.
