"އަތަމަނަހުރާގެ ޤައުމީ ޚިދުމަތުގެ ޝަރަފުވެރިކަމުގެ އިނާމު ޢަބްދުﷲ ނަޢީމު އިބްރާހީމަށް ދީފިއެވެ."
"އޭނާ ޤައުމަށް ކޮށްދިން ޚިދުމަތަކީ ޒަމާންތަކަކަށް ޤައުމު ހަނދާން ކުރާނޭ މޮޅު ޚިދުމަތެކެވެ."
"ޤައުމު ސަލާމަތުން މިއޮތީ އޭނާގެ އެ އަގުހުރި ޚިދުމަތުގެ ސަބަބުންނެވެ."
ނޫސްތަކާއި ޓީވީތަކާއި ރޭޑިއޯތަކުން އިވެނީ އަޅުގަނޑަށް ކުރެވޭ ތައުރީފުގެ އަޑެވެ.
* * *
މާޖިދު އަޅުގަނޑުގެ ގެއަށް ދުރުވެއްޖެއެވެ.
އެންމެ ފުރަތަމަވެސް ކުރެއްވީ މި ސުވާލެވެ.
ނަޢީމަށް މިފަދަ އަގު ބޮޑު އިނާމެއް ދީގެން މި އުޅެނީ ކީއްވެގެން ހެއްޔެވެ؟
އަޅުގަނޑު އެ ވާހަކަަ ތަފުސީލުކޮށް ނަންގަނެފީމެވެ.
އަޅުގަނޑު ޑަވިޔަނި އަތޮޅުގައި އުޅެނިކޮށް އަތަމަނަހުރާގެ ސިޔާސީ ދާއިރާގެ ނުވަދިހަ ބޭފުޅަކު އެ އަތޮޅަށް ވަޑައިގެންފިއެވެ.
އެއީ މުޅި އަތަމަނަހުރާގެ ސިޔާސީ ފައުޖުގައި ހިމެނޭ ހުރިހައި ބޭފުޅުންނެވެ.
އެއީ އޭގެ ކުރިން އާދައިގެ މީހުން ކަމުގައި ވިޔަސް އޭރު މުއްސަނދި މަހުޖަނުންނެވެ.
ޢިއްޒަތްތެރި ބޭފުޅުންނެވެ.
އެ ބޭފުޅުން ތިން ބަހުގައި ދަތުރު ކުރައްވަނިކޮށް އެކްސިޑެންޓެއް ވެއްޖެއެވެ.
އެއީ ވަރަށް އާދަޔާ ޚިލާފު އެކްސިޑެންޓެކެވެ.
އަތަމަނަހުރާގައި މިހައި ތަނަށް ވީ އެންމެ ބޮޑު އެކްސިޑެންޓެވެ.
ތިން ބަސް އޮތީ ފައްފައްވެ ހަލާކު ވެފައެވެ.
އަޅުގަނޑު އެ ހިސާބަށް ދުވެފައި ހިނގައްޖައީމެވެ.
ގިނަ ބޭފުޅުން ތިއްބެވީ ޝަހީދު ވެފައެވެ.
ބައެއް ބޭފުޅުންގެ ފުރާނަ ހުއްޓެވެ.
އަޅުގަނޑަށް ގައުމީ އިނާމު ލިބުނީ އެބޭފުޅުން ވަޅުލުމުގައި އަޅުގަނޑު ކުޅަ ގައުމީ ޚިދުމަތަށެވެ.
މާޖިދު ސުވާލު ކުރެއްވިއެވެ.
މައްޔިތާ ވަޅުލުމަކީ އެހައި ބޮޑު ގައުމީ ޚިދުމަތެއް ހެއްޔެވެ؟
އަޅުގަނޑު ބުނީމެވެ.
އަޅުގަނޑު ވަޅުލީ އޭގެ ތެރެއިން ފުރާނަ ހުރި ބޭފުޅުންނެވެ.
