ސްޕެނިޝްކަޕް ނުވަތަ ކޮޕާ ޑެލްރޭ ވެސް ސްޕެއިންގެ ބާސެލޯނާ ކާމިޔާބުކޮށްފިއެވެ.
ބާސާ މިމުބާރާތް ކާމިޔާބުކުރީ ރޭ ކުޅުނުމެޗުގައި ސެވިއްޔާގެމައްޗަށް ކުރިހޯދައިގެންނެވެ. ރޭގެ މެޗުގެ އިތުރު ވަގުތުގައި ޖެހި ދެލަނޑާއެކު 2-0 އިން ސެވިއްޔާ ބަލިކޮށް ބާސާ ސްޕެނިޝް ކަޕް ކާމިޔާބުކުރިއިރު، މިއީ އެޓީމުން ޖެހިޖެހިގެން ސްޕެނިޝް ކަޕާއި ސްޕެނިޝް ލީގު ކާމިޔާބު ކުރި ދެ ވަނަ ފަހަރެވެ.
ރޭގެ މެޗުގެ ފުރިހަމަ ވަގުތުގައި ދެ ޓީމު 0-0އިން އެއްވަރުވެގެންނެވެ. ނަތީޖާ ނެރެން ކުޅުނު ދެ ހާފުގެތެރޭގައި ބާސެލޯނާގެ ލަނޑުތައް ޖަހައިދިނީ ޖޯޑީ އަލްބާ އާއި ނޭމާ އެވެ. މި ދެ ގޯލު ވެސް ޖަހާފައިވަނީ އާޖެންޓީނާގެ ތަރި ލަޔޮނަލް މެސީ ދިން ޕާސްތަކުންނެވެ.
ރޭގެ މެޗުގެ ފުރަތަމަ ލަނޑު މެޗުގެ 97 ވަނަ މިނެޓުގައި ޖޯޑީ އަލްބާ ޖެހިއިރު، ދެވަނަ ލަނޑު 120 ވަނަ މިނެޓުގައި ޖެހީ ނޭމާއެވެ.
