މެންޗެސްޓާ ޔުނައިޓެޑުން އެފްއޭ އިނގިރޭސި ކަޕް ކާމިޔާބުކޮށްފިއެވެ.
ރޭ ކުޅުނު މިމުބާރާތުގެ ފައިނަލު މެޗު މެންޗެސްޓަރ ޔުނައިޓެޑުން ކާމިޔާބުކުރީ ކްރިސްޓަލް ޕެލަސްގެ މައްޗަށް 2 – 1 އިން ކުރިހޯދައިގެންނެވެ. ރޭގެ މެޗުގެ ފުރަތަމަ ހާފުނިމުނީ އެއްވެސްޓީމަކަށް ލަނޑެއްކާމިޔާބުނުކުރެވި 0 – 0 އިން ދެޓީމު އެއްވަރުވެގެންނެވެ.
ރޭގެމެޗުގެ ފުރަތަމަ ލަނޑުޖަހައި ލީޑު ނެގީ ކްރިސްޓަލް ޕެލަސްއިންނެވެ. އެއީ މެޗުގެ 78 ވަނަ މިނެޓުގައި އެޓީމުގެ ބަދަލު ކުޅުންތެރިޔާ ޖޭސަން ޕަންޗިއޮން ޖެހިލަނޑުންނެވެ.
އެހެންނަމަވެސް އޭގެ ތިން މިނެޓުފަހުން މެޗުގެ 81 ވަނަ މިނެޓުގައި ޔުނައިޓެޑުން ވަނީ ލަނޑެއްޖަހައި ނަތީޖާ ހަމަހަމަކޮށްފައެވެ. މިލަނޑު އެޓީމަށް ކާމިޔާބުކޮށްދިނީ މަޓާއެވެ.
މެޗުން މެންޗެސްޓަރ ޔުނައިޓެޑް ރޭގެ މެޗުކާމިޔާބުކުރީ، މެޗުގެ ނަތީޖާ ނެރުމަށްޓަކައި ކުޅުނު އިތުރުވަގުތުގައި ލަނޑެއްގައިގެންނެވެ. އިތުރު ވަގުތުގެ ފުރަތަމަ ހާފުގައި އެއްވެސް ޓީމަކަށް ލަނޑެއް ކާމިޔާބެއްނުކުރެވެއެވެ. މެޗުގެ ފޯރި އިތުރަށްގަދަވެގެންދިޔަ މިހާފުގެ އެންމެފަހުވަގުތު ޔުނައިޓެޑުގެ ޑިފެންޑަރު ކްރިސް ސްމޯލިންގް އަށް ވަނީ ރަތް ކާޑުދައްކައި ދަނޑުން ފޮނުވާލާފައެވެ. އޭނާއަށް ރަތްކާޑުދެއްކީ، ކްރިސްޓަލް ޕެލަސްގެ ޔެނިކް ބޮލަސީއަށް އޭނާކުރި ފައުލާ ގުޅިގެން ދެ ރީނދޫ ކާޑު ހަމަވެގެންނެވެ.
ރޭގެމެޗުން ޔުނައިޓެޑު މޮޅުވި ލަނޑު ޖެހީ މެޗުގެ 110 ވަނަ މިނެޓުގައި، ބަދަލު ކުޅުންތެރިޔާ ޖެސީ ލިންގާޑެވެ.
މިއީ މެންޗެސްޓަރ ޔުނައިޓެޑް އިނގިރޭސި އެފްއޭކަޕް ކާމިޔާބުކުރި 12 ވަނަ ފަރެވެ.
