އިންޑިއާގެ ބިލިއަނަރ މުކޭޗް އަމްބާނީގެ ދަރިފުޅު އިޝާ އަމްބާނީގެ އެންގޭޖ ްމެންޓް ރަސްމިއްޔާތަށް ބޮލީވުޑްގެ ފަންނާނުންތަކެއް އިންޑިއާއަށް ގޮސްފިއެވެ. ދީޕިކާ ޕަދުކޯން އާއި ރަންވީރް ސިންގހްގެ ކާވެނި އިޓަލީގެ ލެކް ކޯމޯ ގައި ބާއވާ ވާހަކަ ދެކެވުނު ފަހުން މި މިަންޒިލަކީ ބޮލީވުޑްގެ ފަންނާނުންނަށް ޚާއްޞަ މަންޒިލަކަށް ވަނީ ވެފައެވެ. މުކޭޝް އަމްބާނީގެ އެއްމާބަނޑު ދެކުދީން ތެރެއިން އަންހެން ދަރިފުޅު އިޝާގެ އެންގޭޖްމަންޓް ބާއްވަނީ ވެސް ކޯމޯ ގައެވެ. ސެޕްޓެނބަރު 12 އިން ފެށިގެން ތިން ދުވަހުގެ މުއްދަތަށް މި ރަސްމިއްޔާތުތައް ކުރިއަށް ދާނެއެވެ.
އަމްބާނީގެ އާއިލާ އާއި ބޮލީވުޑާ ގާތް ގުޅުމެއް އޮވެއެވެ. އަމްބާނީގެ އާއިލާއިން ބާއްވާ އެކި ހަފްލާތަކުގައި ބޮލީވުޑް ތަރީން ބަިއވެރިވެއެވެ. އަދި ބޮލީވުޑްގެ މަޝްހޫރު ފަންނާނުން ބާއްވާ ހަފްލާތަކުގައި އަމްބާނީގެ އާއިލާއިން ބައިވެރިވެއެވެ.
އިޝާގެ އެންގޭޖްމަންޓްގައި ބައިވެރިވާ ބައެއް ތަރީންގެ ފޮޓޯތައް ސޯޝަލްމީޑިއަގައި ވަނީ ހިއްސާ ކޮސްފައެވެ. މަޝްހޫރް ޑިޒައިނަރ މަނީޝް މަލޯތްރާ ވަނީ ޕްރިޔަންކާ ޗޯޕްރާ އާއި ނިކް ޖޮނަސް އާއެކު ނަގާފައިވާ ފޮޓޯ އެއް އިންސްޓެގްރާޟްގައި ހިއްސާކޮށްފައެވެ. އިޝާގެ އެންގޭޖްމަންޓްގެ ފުރަތަމަ ދުވަހު ޕްރިޔަންކާ އާއި ނިކް ޗޫޒް ކޮށްފައިވަނީ މަނީޝްގެ ހެދުމެވެ.
ޕްރިޔަންކާ އާއި ނިކް ގެ އިތުރުން އަނިލް ކަޕޫރް، ސޯނަމް ކަޕޫރް، ޖާންވީ ކަޕޫރް، ޚުޝީ ކަޕޫރް، ކަރަން ޖޯހަރ، ޝަހް ރުކް ޚާން، އާމިރް ކާން އަދި އާލިއާ ބާތް ބައިވެިރވާނެއެވެ.
