ސާފް ސުޒުކީ ކަޕް 2018 ގެ ފައިނަލްގައި މިއަދު ދިވެހިރާއްޖެއާއި އިންޑިޔާ ބައްދަލުކުރާ މެޗު ފެށުމުގެ ކުރިން ދިވެހި ޓީމަށް ދިވެހިންގެ ރައީސް ޢަބްދުﷲ ޔާމީން ޢަބްދުލްޤައްޔޫމް ހިތްވަރު ދެއްވައިފިއެވެ.
ޤައުމީ ޓީމުގެ ކެޕްޓަން އަކްރަމް ޢަބްދުލްޣަނީއަށް ފޯނުން ގުޅުއްވައި ރައީސުލްޖުމްހޫރިއްޔާ ދެއްކެވި ވާހަކަފުޅުގައި، މެޗަށް ފުރިހަމައަށް ތައްޔާރުވުމަށާއި، ހުރިހާ ދިވެހިން ފަޚުރުވެރިވާނެ ނަތީޖާއެއް ހޯދުމަށް ގަދައަޅައި މަސައްކަތް ކުރުމަށް ޓީމުގެ ކިބައިން އެދިވަޑައިގެންނެވިއެވެ.
ސާފް ސުޒުކީ ކަޕް 2018 ގެ ފައިނަލް މެޗް އޮންނާނީ މިއަދު ރާއްޖޭ ގަޑިން 18:00 ގައި ބަންގްލަދޭޝްގައެވެ. ރާއްޖެ ފައިނަލަށް ދިޔައީ ސެމީގައި ނޭޕާލާ ބައްދަލުކޮށް 3:0 އިން މޮޅުވެގެންނެވެ.
