ވީތަނެއް ނޭނގިގެން ފުލުހުން ހޯދަމުންދިޔަ އުމުރުން 15 އަހަރުގެ، ނަޝްފާ ހަސަން އަމިއްލައަށް ފުލުހަށް ހާޒިރު ވެއްޖެއެވެ.
ފުލުހުންހުގެ ފެމިލީ އެންޑް ޗައިލްޑް ޕްރޮޓެކްޝަން ޑިޕާޓްމެންޓް (އެފްސީޕީޑީ) އަށް އެ ކުއްޖާ ހާޒިރުވެފައިވަނީ މިއަދު 18:50 ގައި ކަމަށް ފުލުހުން ވަނީ ވިދާޅުވެފައެވެ.
އެކުއްޖާގެ ހާލު ރަނގަޅު ކަމަށް ވެސް ފުލުހުން ވިދާޅުވިއެވެ. އެހެންނަމަވެސް މިވަގުތު އިތުރު މައުލޫމާތު ދެވެން ނެތްކަމަށް ފުލުހުންގެ މީޑިއާއިން ވިދާޅުވިއެވެ.
ގދ. ތިނަދުއަށް ނިސްބަތްވާ މި އަންހެން ކުއްޖާއަށް ބުލީ ކުރާ ވީޑިއޯއެއް ސޯޝަލް މީޑިއާއިގައި ވައިރަލް ވުމަށް ފަހު އަމިއްލައަށް ފުލުހަށް ހާޒިރު ވަންދެން ވީތަނެއް އެނގިފައެއް ނުވެއެވެ. އޭނާ އަމިއްލައަށް ފުލުހަށް ހާޒިރުވީ ފުލުހުން އޭނާ ހޯދަމުން ދަނިކޮށެވެ.
