މާލެ އަތޮޅު ރަސްފަރީގެ ހުޅަނގު ދެކުނުން އޮއިވާލި ކަނދުފަތްޗެއް އޮޔާ ދާތީ އެސަރަހައްދުން ދަތުރުކުރާ ދަތުރުވެރިން ސަމާލުކަން ދިނުމަށް އެމްއެންޑީއެފުން އިލްތިމާސް ކުރައްވައިފިއެވެ.
އެމްއެންޑީއެފް ކޯސްޓްގާޑް މެރިޓައިމް ރެސްކިއު ކޯރޑިނޭޝަން ސެންޓަރަ (އެމްއާރުސީސީ) އަށް މިކަމުގެ ރިޕޯރޓް ލިބިފައިވަނީ މިއަދު 14:40 އެހައިކަންހާއިރު ކަމަށާއި އެ ކަނދުފަތީގެ ޚަބަރު އެމްއެންޑީއެފަށް ރިޕޯރޓްކޮށްފައިވަނީ އެސަރަހައްދުން ދަތުރުކޮށްފައިދިޔަ ލޯންޗަކުން ކަމަށް އެމްއެންޑީއެފުން ވިދާޅުވެފައިވެއެވެ. މިކަމުގެ ރިޕޯރޓް ލިބުމާއި އެކު އެމްއެންޑީއެފް ކޯސްޓްގާޑުން ވަނީ ހަރަކާތްތެރިވާން ފަށާފައެވެ.
މި ކަނދުފަތި އޮޔާ ދާތީ އެ ސަރަހައްދުން ދަތުރުކުރައްވާ ފަރާތްތަކުން މިކަމަށް ސަމާލުކަން ދިނުމާއި އަދި ރޭގަނޑު ދަތުރުކުރައްވާ ފަރާތްތަކުން މިކަމަށް ހާއްސަ ސަމާލުކަމެއް ދެއްވުމަށް އެމްއެންޑީއެފުން ވަނީ އިލްތިމާސް ކުރައްވައިފައެވެ.
