ސްރީ ލަންކާގައި ދިރިއުޅޭ ދިވެހިންނާއި، ސްރީލަންކާއަށް ގޮސް ތިބި ދިވެހި ފަތުރުވެރިން މި އަހަރުގެ އަޟްޙާ ޢީދު ނަމާދު މިއަދު ކޮށްފިއެވެ. ޢީދު ނަމާދު ކުރީ ސޯސަންވިލާގައެވެ.
ޢީދު ނަމާދަށް ފަހު ދިވެހި ރާއްޖޭގެ އެންބަސީން އިންތިޒާމު ކޮށްފައިވާ ސައިފޮދެއް އޮތެވެ. ޢީދު ނަމާދުގައި ގިނަ ޢަދަދެއްގެ ދިވެހި ފިރިހެނުންނާއި އަންހެނުންނާއި ކުދިން ބައިވެރި ވިއެވެ.
ޢީދުގެ މުނާސަބަތުގައި ބާއްވާ ޚާއްޞަ މިއުޒިކް ޝޯއެއް މިރޭ ސޯސަންވިލާގައި އޮންނާނެއެވެ.
ދިވެހިން މިއަދު ޢީދު ނަމާދު ކުރި ނަަމަވެސް ސްރީ ލަންކާއަށް އަޟްޙާ ޢީދު ދުވަހަކީ ބުދަ ދުވަހެވެ.
