ހުވަދު އަތޮޅު ދެކުނުބުރީ ހައުޑިގަލާއަށް ދަތުރު ގޮސް އުޅުނު މީހަކަށް ފިޓުޖެހިގެން އެމީހާ އަށް ފަރުވާ ދިނުމަށްޓަކައި އެމްއެންޑީއެފްގެ އެހީގައި ތިނަދޫ، ޑރ. އަބްދުއްސަމަދު މެމޯރިއަލް ހޮސްޕިޓަލަށް ގެންގޮސްފިއެވެ.
ފިޓުޖެހިފައިވަނީ އުމުރުން 27 އަހަރުގެ ޒުވާނަކަށެވެ. އެމްއެންޑީއެފަށް މިހާދިސާގެ މައުލޫމާތު ލިބިފައިވަނީ މިއަދު ހެނދުނު 09:40 އެހައިކަންހާއިރު އެވެ.
"މި ހާދިސާގެ މަޢުލޫމާތު އެމްއެންޑީއެފް ކޯސްޓްގާޑަށް ލިބުމާއެކު ސަދަން އޭރިއާ ކޯސްޓްގާޑް ސްކޮޑްރަންގެ ލޯންޗެއް ވަނީ އެ ރަށަށް (ހައުޑިގަލާ) ގޮސް ސިއްޙީ އަވަސް ފަރުވާ ބޭނުންވާ ޒުވާނާ ގދ. ތިނަދޫ ހޮސްޕިޓަލަށް ގެންގޮސްދީފައެވެ." އެމްއެންޑީއެފުން ވިދާޅުވެފައިވެއެވެ.
