ޓީއެފްޖީން އިންތިޒާމްކޮށްގެން އައްޑޫގައި "ރަން އިން އައްޑޫ" މެރެތަން ބާއްވައިފިއެވެ.
މެރެތަންގެ ކުޑަކުދިންގެ ދުވުމާއި އުމުރުން ދުވަސްވީ މީހުންގެ ހިނގާލުން ބާއްވައިފައިވަނީ އިއްޔެ ހަވީރުއެވެ. މި އިވެންޓް ބާއްވައިފައިވަނީ އައްޑޫ ސިޓީ ކައުންސިލް ހިންގާ އިމާރާތުގެ ކުރިމަތީގައެވެ. މީގެ ތެރެއިން ކުޑަކުދިންގެ ދުވުން ބާއްވައިފައިވަނީ އިއްޔެ ހަވާރު 4:45 ގައެވެ. ދުވަސްމީހުންގެ ހިނގާލުން ބާއްވައިފައިވަނީ 5:00 ގައެވެ.
މި މެރެތަންގެ އެހެބްބައިތައް ކުރިއަށް ގެންގޮސްފައިވަނީ ރޭ ދަންވަރު އެވެ. އެގަޑީގައި ބޭއްވީ 42 ކިލޯމީޓަރު ރޭސް އެވެ. ހާފް މެރެތަން ނުވަތަ 21 ކިލޯމީޓަރު ދުވުން ބޭއްވީ ރޭ ފަތިހު 5:00 ގައެވެ. 10 ކިލޯމީޓަރު ރޭސް ބޭއްވީ މިއަދު ހެނދުނު 6:00 ގައެވެ. ފަސް ކިލޯމީޓަރު ރޭސް ބޭއްވީ މިއަދު ހެނދުނު 7:00 ގައެވެ.
މި ދުވުމުގައި ރާއްޖޭގެ މަޝްހޫރު ބައެއް ދުވުންތެރި ބައިވެރިވިއެވެ. އަދި ރާއްޖެއިބް ބޭރުން ވެސް މީހުން ބައިވެރިވެފައި ވެއެވެ.
