ޗަންކީ ޕާންޑޭގެ ދަރިފުޅު އަނާނިޔާ ޕާންޑޭ ބޮލީވުޑަށް ނިކުންނާން ތައްޔާރުވެއްޖެއެވެ. އޭނާ މިހާރު ދަނީ 'ސްޓޫޑެންޓް އޮފް ދަ އިޔަރ 2' ގެ ޝޫޓިންގެ މަސައްކަތް ކުރަމުންނެވެ. މީގެ ކުރީން ޚަބަރު ފެތުރުފައިވާ ގޮތުގައި މި ފިލްމަކީ އޭނާ ބޮލީވުޑަށް ތައާރަފްވާ ފިލްމެވެ. ނަމަވެސް ފަހުގެ ޚަބަރުތައް ބުނާގޮތުން އަނާނިޔާގެ ޑެބިއު ފިލްމަކަަށްވާނީ 'ގަލީ ބޯއި' އެވެ.
'ސްޓޫޑެންޓް އޮފް ދަ އިޔަރ 2' އަކީ ކަރަން ޖޯހަރްގެ ފިލްމެކެވެ. ކުރީން ހަމަޖެހިފައި އޮތްގޮތުން ނަމަ މިއަހަރުގެ ނޮވެންބަރު މަހު މިފިލްމު ރިލީޒް ކުރާނެއެވެ. ނަމަވެސް މިހާރު ފިލްމު ރިލީޒްކުރުަމަށް ހަމަޖެހިފައިވަނީ 2019ވަނަ އަހަރުގެ މެދުތެރޭގައެވެ. އެއަށްވުރެ ކުރީން، 2019ވަނަ އަހަރުގެ ލޯބިވެރީންގެ ދުވަހު ޒޯޔާ އަޚްތަރުގެ ފިލްމު 'ގަލީ ބޯއި' އަޅުވާނެއެވެ. މި ފިލްމުގެ ޚާއްޞަ ފެނިލުމަކުން އަނާނިޔާ ފުރަތަމަ ފަހަރަށް ރިހި އިސްކިރީނުން ބެލުންތެރީންނަސް ފެނިގެނދާނެއެވެ. 'ގަލީ ބޯއި' ގެ ލީޑިން އެކްޓަރުންނަކީ ރަންވީރް ސިންހް އާއި އާލިއާ ބަޓް އެވެ. މި ފިލމްމުގައި އަނާނިޔާގެ މާ ބޮދު ރޯލެއް ނެތް ނަމަވެސް 'ސްޓޫޑެންތް އޮފް ދަ ޔިއަރ 2' އިން އަނާނީޔާ ފެނިގެންދާނީ މުހިއްމު ރޯލަކުންނެވެ. މި ފިލްްމުގެ އެހެން ތަރީންނަކީ ޖެކީ ޝްރޮފް ގެ ދަރިފުޅު ޓައިގަރ ޝްރޮފް އާއި ޓާރާ ސުތާރިއާ އެވެ.
