ދައުލަތަށް ލިބެން ޖެހޭ ފައިސާ ހޯދުމަށް އެކި މުއައްސަސާތަކަށް އެހތެރިވުމަށް ރައީސުލްޖުމްހޫރިއްޔާ އުފައްދަވައިފައިވާ ސްޓޭޓް އެސެޓް ރިކަވަރީ ކޮމިޝަނުގެ މެންބަރު ކަމަށް މިއަދު ބޭފުޅަކު ރައީސް އައްޔަން ކުރައްވައިފިއެވެ.
އެ މަގާމަށް މިއަދު އައްޔަން ކުރެއްވީ ބ. އޭދަފުށީ، ދިގަލި، މައުސޫނާ ޔޫސުފެވެ. އޭނާ އެމަގާމަށް އައްޔަން ކުރެއްވީ ކުރިމް އެމަގާމުގައި އިންނެވި ދަފްތަރު ނަންބަރު 5095، ޚަދީޖާ ހުސައިން ވަކިކުރެއްވުމަށްފަހުއެވެ. ޚަދީޖާ ވަކިކުރެއްވީ ކީއްވެ ކަމެއް އެނގިފައެއް ނުވެއެވެ.
މައުސޫމާ އަކީ ޕަބްލިކް ސާވިސް މީޑިއާ (ޕީއެސްއެމް) ގެ ޗީފް ފައިނޭންޝަލް އޮފިސަރުގެ މަގާމުގައި އިންނެވި ބޭފުޅެކެވެ.
މިކޮމިޝަނުގެ މައިގަނޑު މަސައްކަތަކީ ދައުލަތަށް ލިބެންޖެހޭ ފައިސާ ހޯދުމަށް އޮޑިޓަރ ޖެނެރަލްގެ އޮފީހާއި އެންޓި-ކޮރަޕްޝަން ކޮމިޝަން ފަދަ ތަންތަނުން ކުރައްވާ މަސައްކަތްތައް ބައްލަވައި އެމަސައްކަތް އަވަސް ކުރެއްވުމަށް އެހީތެރިވެ ދެއްވުމެވެ. އަދި އެމަސައްކަތް ކުރައްވަމުން ގެންދަވާއިރު ފިޔަވަޅު އަޅުއްވަން ޖެހިއްޖެ ކަމަށްވާނަމަ އެކަން ކުރެއްވުމުގެ ބާރުވެސް ވަނީ މިކޮމިޝަނަށް ދެއްވައިފައެވެ. މިއީ ރައީސުލްޖުމްހޫރިއްޔާގެ ގަރާރަކުން އުފައްދަވައިފައިވާ ކޮމިޝަނެކެވެ.
މި ކޮމިޝަނުގައި މިހާރު ތިއްބެވީ ހޯމްމިނިސްޓަރު އަހުމަދު އަޒްލީން (ޗެއާޕަސަން) ރައީސް އޮފީހުގެ ސްޓޭޓް މިނިސްޓަރު މުހައްމަދު މުޖުތާޒާއި، މައުސޫމާ ޔޫސުފާއި، ޑރ. އިބްރާހީމް މަހުފޫޒާއި، ގާނުނީ ވަކީލް އަހުމަދު ސަލީމް (ރޭނީޒް) އެވެ. މިބޭފުޅުން މަސައްކަތް ކުރައްވާނީ ދައުލަތަށް ލިބެންވާ ފައިސާގެ ބޮޑެތި އަދަދު ހޯއްދެވުމަށެވެ.
