އީޔޫއިން ރާއްޖެއަށް ގޮލައިފައިވަނީ އިޚުލާސްތެރި މަޝްވަރާއަކަށް ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
އެމަނިކުފާނު ކުރެއްވި ޓްވީޓެއްގައި ވިދާޅުވެފައިވަނީ އީޔޫގެ މިއަދުގެ ބައްދަލުވުމުގައި ފާސްކުރައްވައިފައިވަނީ ރާއްޖެއާމެދު ފިޔަވަޅު އެޅުމުގެ އޮނިގަނޑެއް ކަމަށެވެ. "އީޔޫއިން ފާސްކުރީ ރައީސް ޔާމީން ސަރުކާރަށް ދަތިކުރުމުގެ ފިޔަވަޅު އެޅުމުގެ އޮނިގަނޑެއް. އީޔޫއިން ސަރުކާރަށް ގޮވާލައިފައިވަނީ އިތުބާރު ހިފޭ ދެފުށްފެންނަ އެންމެނަށް ބައިވެރިވެވޭ އިންތިޚާބަކަށް މަގުފަހިކޮށް ދޭނެ އިޚުލާސްތެރި މަޝްވަރާއަށް،" ރައީސް ނަޝީދުގެ ޓްވީޓުގައި ވިދާޅުވެފައިވެއެވެ. އެހެންނަމަވެސް ސިޔާސީ ހއްޔަރީން ދޫކޮށްނުލައި އެކަމުގައި ސަރުކާރުގައި އޮތް އިޚުލާސްތެރިކަމަކީ ކޮބައިތޯ ވިދާޅުވެ ނަޝީދު ވަނޫ ސުވާލު ކުރައްވައިފައެވެ.
މިއަދު ބޭއްވި ބައްދަލުވުމުގައި އީޔޫއިން ނިންމައިފައިވަނީ ރާއްޖޭގެ ހާލަތު ރަނގަޅުނުވާ ކަމަށްވާނަމަ ފިޔަވަޅު އެޅުމަކަށެވެ. އެކަމާ ގުޅިގެން ފިޝަރީޒް މިނިސްޓަރ ޑރ. މުހައްމަދު ޝައިނީ ވިދާޅުވެފައިވަނީ އިދުކޮޅު ފަރާތްތަކުން ބޭނުންވި ގޮތަށް އީޔޫއިން ރާއްޖެއާމެދު މިއަދު ފިޔަވަޅު ނޭޅުމަކީ ސަރުކާރަށް ލިބުނު ކާމިޔާބެއް ކަމަށެވެ. އަދި ރާއްޖޭގެ ހާލަތު އިތުރަށް ގޯސްނުވާނެ ކަމަށްވެސް ވަނީ ވިދާޅުވެފައެވެ.
