ނ. އަތޮޅު ކުޑަފަރީ ފަރަށް ޓަގު ބޯޓަކާއި ބާޖެއް އަރައިފި ކަމަށް އެމްއެންޑީއެފުން ވިދާޅުވެއްޖެއެވެ.
އެމްއެންޑީއެފްގެ ތަރުޖަމާނު ކެޕްޓަން އިބްރާހީމް އާޒިމް ވިދާޅުވީ މި ދެ އުޅަނދު ފަރަށް އެރިކަމުގެ މައުލޫމާތު ލިބިފައިވަނީ މިއަދު މެންދުރު ފަހު 2:53 ގައި ކަމަށެވެ. ފަރަށް އަރައިފައިވާ ޓަގުގެ ނަމަކީ ރާދަފަތި ކަމަށާއި، ބާޖުގެ ނަމަކީ ސިންގާ ސަނާ ކަމަށެވެ. މިހާދިސާގައި އެއްވެސް މީހަކަށް އަނިޔާއެއް ވެފައި ނުވާކަމަށް ވެސް އޭނާ ވިދާޅުވިއެވެ.
ޓަގާއި ބާޖުގައި ތިބީ ޖުމްލަ 9 މީހުން ކަމަށާއި އެއީ 8 ދިވެހިންނާއިމ ބިދޭސީއެއް ކަމަށް ވެސް އާޒިމް ވިދާޅުވިއެވެ. އުޅަނދުގެ ވެރިފަރާތުން މިހާރު ގެންދަނީ އެ ފުންކުރުމުގެ މަސައްކަތް ކުރަމުން ކަމަށްވެސް އޭނާ ވިދާޅުވިއެވެ.
