ސަރުކާރުން ހުޅުވާލާފައިވާ ހިޔާ މަޝްރޫއުގައި ފްލެޓަށް އެދި ފޯމު ލެވޭނީ 40 އަހަރުން މަތީ މީހުންނަށް އެކަނި ކަމަށް ދެކެވޭ ވާހަކަތައް ޑރ މުޙަންމަދު މުއިއްޒު ދޮގު ކުރައްވައިފިއެވެ.
ޑރ މުއިއްޒު ކުރެއްވި ޓްވީޓެއްގައި ވިދާޅުވީ ފްލެޓް ތަކަށް ކުރިމަތިލުމަށް ކަނޑައަޅާފައިވާ ޝަރުތުތަކުގެ ތެރޭގައި 40 އަހަރުން މަތީގެ މީހުންނަށް ފޯމު ނުލެވޭނެ ކަމަށް އޮންނާނީ ހަމައެނި ޒުވާނުންނަށް ޚާއްސަް ކެޓަގަރީއަށް ކަމަށާއި އެނޫން ހުރިހާ ކެޓަގަރީ ތަކަށްވެސް 18 އަހަރު ފުރިފައިވާ ކޮންމެ މީހަކަށްވެސް ފުރުޞަތު އޮންނާނެ ކަމަށެވެ. މުއިއްޒު ވިދާޅުވީ 40 އަހަރުން މަތީ މީހުންނަށް ފެލްޓަށް އެދުމުގެ ފުރުޞަތު ބަންދު ކޮށްފައިވާ ކަމަށް ދެކެވޭ ވާހަކަ ތަކަކީ އެއްވެސް ހަގީގަތެއް ނެތް ވާހަކަ ތަކެއް ކަމަށެވެ.
"ޒުވާނުންނަށް ޚާއްސަ ކެޓަގަރީތައް ފިޔަވައި ހުރިހާ ކެޓަގަރީއަކަށް އުމުރުން ކިތަންމެ މަތިވިޔަސް ފޯމު ލެވޭނެ" މިނިސްޓަރު ވިދާޅުވިއެވެ.
ޒުވާނުންނަށް ޚާއްސަ ކެޓަގަރީ އެންމެ ފުރަތަމަ 40 އަހަރުން މަތީ މީހުންނަށް ހުޅުވާލި ނަމަވެސް ފަހުން ވަނީ ފޯމު ހުށަހަޅާ މުއްދަތަށް 41 އަހަރު ނުފުރޭ ފަރާތްތަކަށް ފޯމު ލެވޭނެގޮތްވެސް ހަދާފައެވެ. ފްލެޓަށް އެދުމުގެ މުއްދަތު މިމަހުގެ ނިޔަލަށް ކުރިން އޮތްނަމަވެސް ހައުސިންގ މިނިސްޓްރީން ވަނީ އަންނަ އޮގަސްޓް މަހުގެ ނިޔަލަށް މުއްދަތު އިތުރުކޮށްފައެވެ.
