ދ.އަތޮޅު ނިޔާމަ ރިސޯޓްގެ ވޯޓަރ ވިލާއެއްގައި ރޭ ފަތިހު 5:30 އެހައިކަންހާއިރު ހިނގި އަލިފާނުގެ ހާދިސާއެއްގައި އެތަނަށް ވަރަށް ބޮޑަށް ގެއްލުން ވެއްޖެއެވެ.
މި ހާދިސާގެ ރިޕޯޓް ލިބުމާ ގުޅިގެން އެމްއެންޑީއެފް ސެންޓްރަލް އޭރިއާ ފަޔަރ ސްޓޭޝަނުގެ ސިފައިން އެ ރިސޯޓަށް ގޮސް، ރޯވެފައިވާ އަލިފާން އެއްކޮށް ނިއްވާލާފައިވަނީ މިއަދު ހެނދުނު 7 ޖަހާކަންހާއިރު ކަމަށް އެމްއެންޑީއެފުން ވިދާޅުވިއެވެ. މިހާދިސާގައި ރޯވި ވޯޓަރ ވިލާގައި ހުރި ތިން ކޮޓަރި އެއްކޮށް ވަނީ އަނދައިގެން ގޮސްފައެވެ. އެހެން ނަމަވެސް، އެއްވެސް މީހަކަށް މިހާދިސާގެ ސަބަބުން އަނިޔާއެއް ނުވެއެވެ.
މި ހާދިސާ ހިނގަން މެދުވެރިވީ ސަބަބު، އެމްއެންޑީއެފް ފަޔަރ އެންޑް ރެސްކިޔު ސަރވިސް އާއި މޯލްޑިވްސް ޕޮލިސް ސަރވިސްއިން ދަނީ ތަޙުޤީޤު ކުރަމުންނެވެ.
