ޕާކިސްތާނުގައި "ވީރޭ ދި ވެޑިންގ" މަނާ ކުރުމާ ގުޅިގެން އެ ފިލްމުގެ ތަރިއެއް ކަމަށްވާ ސްވަރާ ބަސްކަރް ޕާކިސްތާނާ ދެކޮޅަށް ދައްކާފައިވާ ވާހަކަ އަށް އެގައުމުގެ ވީޑިއޯ ޖާނަލިސްޓް އަދި ފިލްމީ ތަރި އުރްވާ ހުސައިން ރައްދުދީފިއެވެ.
ޕާކިސްތާނުގައި "ވީރޭ ދި ވެޑިންގ" ދެއްކުން މަނާ ކުރީ އެފިލްމުގައި ފާހިޝް ބަހުރުވަ ބޭނުންކޮށްފައި ވާތީ ކަމަށް ޕާކިސްތާނުގެ އޮފިޝަލަކާ ހަވާލާދީ މީޑިއާގައި ރިޕޯޓްކޮށްފައިވެއެވެ. ފިލްމު ކްރިޓީކް ރާޖީވް މަސާންދުގެ ޝޯގައި އެކަމާ ގުޅިގެން ރާޖީވް ކުރި ސުވާލަކަށް ޖަވާބު ދެމުން ސްވަރާ ވަނީ އިސްލާމީ ޝަރީއަތަށް އަމަލުކުރާ އިސްލާމީ ދައުލަތެއްގެ ފަރާތުން އުއްމީދު ކުރަނީ ކޮންކަމެއްތޯ ރާޖީވް ކުރެން އަހާފައެވެ. ޕާކިސްތާނަކީ ފޭލިވެފައިވާ ދައުލަަތެއް ކަމަށާއި އަމިއްލަ އަގު ވަޒަން ކުރުމުގައި ޕާކިސްތާނަކީ އިން ކަމުގައި ބަލަންވީ ކީއްވެތޯވެސް ސްވަރާ ވަނީ ސުވާލުކޮށްފައެވެ. އެހެން ކަމުން ޕާކިސްތާނުގައި ހިންގާ މޮޔަ ކަންކަމުން އުފާ ލިބިގަންނަން އަހަރުމެން އުޅެނީ ކީއްވެގެން ކަމެއް ނުވިސްނޭ ކަމަށްވެސް ސްވާރާ ބުންޏެވެ. ސުވާލުގެ ޖަވާބު ނިންމާލަމުން ސުވާރާ ބުނީ "ޕާކިސްތާނުގެ ބަހުރުވަ އަހަރުމެންގެ ބަހުރުވަ އަށްވުރެ މާ ދަށް" ކަމުގައެވެ.
https://www.youtube.com/watch?v=QYKxr7gW8Ho
ސްވާރާގެ ވާހަކައާ ގުޅިގެން ޕާކިސްތާނުގެ މަޝްހޫރު ފިލްމީ ތަރި އަދި ވީޑިއޯ ޖާނަލިސްޓް އުރްވާ ހުސައިން ވަނީ ސްވާރާ އަށް ރައްދުދީ ޓްވީޓްތަކެއް ކޮށްފައެވެ.އޭނާގެ ޓްވީޓްތަކާ އެކު ސްވާރާ ދެ ޕްރޮގްރާމެއްގައި ދައްކާފައިވާ ވާހަކައިގެ ވީޑިއޯ ކްލިޕެއް ވެސް އުރްވާ ޓްވީޓްކޮށްފައިވެއެވެ.
Need I say more ?! @ReallySwara pic.twitter.com/KvJm2swdCL
— URWA HOCANE (@VJURWA) June 2, 2018
އުރްވާގެ ފުރަތަމަ ޓްވީޓުގައި ފާހަގަކޮށްފައިވަނީ 2015ވަނަ އަހަރު ޕާކިސްތާނާ ގުޅޭގޮތުން ސްވަރާ ބުނެފއަިވާ ވާހަކައެކެވެ. ޕާކިސްތާނަކީ އޭނާއަށް ދެވުނު އެންމެ ރަނގަޅު ގައުމު ކަމަށް ސްވަރާ ބުނެފައިވާތީ އޭރުން ފެށިގެން މިވީ މަދު އަހަރުތަކުގެ ތެރޭގައި އިތުރަށް ކަންކަން ރަނގަޅުވީ ކަމަށް އުރްވާ ބުނެފައިވެއެވެ.
ސްވަރާ އަކީ އަންހެނުން ބާރުވެރިކުރުމުގެ ނަމުގައި މަސައްކަތް ކުރާމީހަކަށް ވެފައި އަމިއްލަ ގއަުމުގެ ފިލްމުތައް މަނާކުރާ ގައުމެއްގެ ރައްޔިތަކަށް ވާތީ މިކަހަލަ ވާހަކަ ދެއްކުން އެންމެ ރަނގަޅު ނޫންކަމަށް އުރްވާ ބުނެފައި ވެއެވެ. އޭނާ އިޝާރާތް ކޮށްފައިވަނީ "ޕަދްމާވާތު" އަށެވެ. އެހެން ކަމުން އަންެހެނުން ބާރުވެރި ކުރުމުގެ ވާހަކަ ނުދައްކަމާ ހިނގާށޭ އުރްވާ ބުނެފައިވެއެވެ. އޭނާގެ ހުރިހާ ވާހަކަ އަކުން އެނގެނީ އޭނާ އަކީ ދެފަހަރު އެއްގޮތަކަށް ވާހަކަ ދެއްކޭ މީހެއް ނޫންކަމަށް ވެސް އުރްވާ ބުނެފައިވެއެވެ. އެހެންކަމުން ސްވަރާ އަކީ ފޭލިވެފއަިވާ އިންސާނެއް ކަމަށް އުރްވާ ބުނެފައިވެއެވެ. އޭނާގެ ޓްވީޓްތައް ނިންމާލާފައިވަނީ އެ މެސެޖް ތަކަކީ "ޕެނޯމިނަލް ޕާކިސްތާނުގެ ރައްޔިތެއްގެ ފަރާތުން" ކަމަށް ބުނެފައެވެ.
އުރްވާ އަކީ ޕާކިސްތާނުގެ ފިލްމުތަކާއި ސިލްސިލާ ތަކުން ފާހަގަކުރެވޭ އެންމެ މޮޅު އަންހެން އެއްތަރިއެވެ. އޭނާގެ ޓީވީ ސިލްސިލާ ތަކުގެ ތެރެއިން 2016ވަނަ އަހަރު ހަމްޓީވީ އިން ދުރަށްދެއްކި "އުޑާރީ" އަކީ ފަހަގަކޮށްލެވޭ ސިލްސިލާ އެކެވެ. އޭނާ އަކި މަޝްހޫރް ލަވަކިޔުންތެރިޔާ އަދި ފިލްމީ ތަރި ފަރްހާން ސައީދުގެ އަންހެނުންނެވެ. ފަރްހާން ވަނީ ބޮލީވުޑްގެ ފިލްމްތަކަށް ލަވަކިޔައިދީފައެވެ. އަދި ކޯކް ސްޓޫޑިިއޯގެ ސީޒަންތަކުގައިވެސް އޭނާ ދަނީ ރީތި ލަވަތަކެއް ހުށަހަޅައި ދެމުންނެވެ. އުރްވާގެ ކޮއްކޮ މާވްރާ ހުސައިން ވަނީ 2016ވަނަ އަހަރު ހިންދީ ފިލްމެއް ކުޅެފައެވެ. އެއީ "ސަނަމް ތެރީ ގަސަމް" އެވެ. އަދި ޕާކިސްތާނުގެ އެކި ޗެނަލް ތަކުން ދުރަށް ދައްކާ ސިލްސިލާތަކުގައި ވެސް މާވްރާ އަކީ ނަގައިކިޔާ ތަރިއެކެވެ. އޭނާވަނީ ޔުނިވަރސިޓީ އޮފް ލަންޑަން އިން ޑިޕްލޮމާ އިން ލޯ ފުރިހަމަކޮށްފައެވެ. އޭނާގެ އަޒުމަކީ އެކްޓް ކުރަމުން އެލްއެލްބީ އިން ޑިގްރީ ނިންމައިލުމެވެ.
