ޑރ. އަބްދުލްމަޖީދު އަބްދުލްބާރީއަކީ އިސްލާހަށް މަސައްކަތް ކުރެއްވި އިލްމު ވެރިއެއް ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު ކުރެއްވި ޓްވީޓެއްގައި ވިދާޅުވެފައިވަނީ ޑރ. މަޖީދަކީ ހައްގު ބަސް ވިދާޅުވާން ފަސްޖެހި ވަޑައިގެންނެވި ބޭފުޅެއް ނޫންކަމަށާއި އެމަނިކުފާނަކީ ގިޔާމަތުގެ ބިރުވެރިކަން ދެނެވަޑައިގެން ހުންނަވައިގެން އިރުޝާދު ދެއްވި ބޭފުޅެއް ކަމަށެވެ.
"ޑރ. އަބްދުލްމަޖީދު އަބްދުލް ބާރީއަކީ ރާއްޖެ ދުށް ދީނީ އިލްމުވެރިންގެ ތެރެއިން އިސްލާހަށް މަސައްކަތް ކުރެއްވުމުގައި ފާހަގަ ކުރެވޭ އެއްބޭފުޅެއް. އަބަދުވެސް ހައްގު ބަސް ވިދާޅުވުމަށް ފަސްޖެހި ވަޑައިނުގަނެ ގިޔާމަތުގެ ބިރުވެރިކަން ދެނެވަޑައިގެނެ އިރުޝާދު ދެއްވި ބޭފުޅެއް،" ރައީސް ނަޝީދު ވިދާޅުވެފައިވެއެވެ.
ޑރ. މަޖީދު އަވާހާރަވީ މިއަދު މެންދުރުގެ ވަގުތެއްގައެވެ. އަވަހާރަވީ ސްޓްރޯކެއް ޖެހިވަޑައިގެން ލަންކާ ހޮސްޕިޓަލުގެ އައިސީޔޫގައި ފަރުވާ ދެމުން ދަނިކޮށްނެވެ. އެމަނިކުފާނުގެ ޖަނާޒާ ބޭއްވުމަށް ހަމަޖެހިފައިވަނީ މާދަމާ މެންދުރު ނަމާދަށް ފަހު ސްރީލަންކާގައެވެ.
