ސިލޯނާ އެކު ދިވެހީން، ޓެލެތޯން ޝޯ ކުރިޔަށް ދަނީ

ދިވެހިރާއްޖޭގެ އެންމެ އަވައްޓެރި ސްރީލަންކާއަށް ކުރިމަތިވެފައިވާ ހިތާމަވެރި ކާރިސާގައި ލިބިފައިވާ އަދި ލިބެމުންދާ ގެއްލުންތަކުން އަރައިގަތުމަށް ޓަކައި ދިވެހީންގެ ފަރާތުން އެހީތެރިކަން ފޯރުކޮށް ދިނުމަށް  ޕަބްލިކް ސަރވިސް މީޑިއާ (ޕީއެސްއެމް) އިން އިސް ނަންގަވައިގެން، ރާއްޖޭގެ ގިނަ މީޑިއާ ތަކެއް ގުޅިގެން ކުރިޔަށް ގެންދާ "ސިލޯނާ އެކު ދިވެހީން" ޓެލެތޯން ޝޯ ފެށިގެން ކުރިޔަށް އެބަ ދެއެވެ.

 މިއަދު ހެނދުނު ޓީވީއެމްގައި ބޭއްވުނު ރަސްމިއްޔާތެއްގައި ޕީއެސްއެމްގެ ވެރިންނާއި މި ޓެލެތޯންގައި ބައިވެރިވާ ބައެއް މީޑިއާތަކުން ބައިވެރިވިއެވެ. އެ ވަގުތުން ފެށިގެން މިރޭ މެންދަމުން އަލިވެ 1 ޖެހުމާ ހަމައަށް ޓީވީއެމްގެ ސްޓޫޑިއޯއިން ވަގުތުން ކުރިޔަށް ގެންދާ ޓެލެތޯން ޝޯގައި ބައެއް މީޑިއާތަކާއި ޓެލެތޯނުގައި އެކި ގޮތްގޮތުން އެހީތެރިވެދެއްވާ  ފަރާތްތަކުން ބައިވެރިވެވަޑައިގެން ރާއްޖޭއާ ސިލޯނުގެ ގުޅުމާ ބެހޭ ގޮތުންނާއި މި ހަރަކާތާ ބެހޭ ގޮތުން މައުލޫމާތު ހިއްސާ ކުރައްވަމުން ގެންދަވާނެއެވެ.

މި ޓެލެތޯނަށް ލިބެމުންދާ އެހީގެ މައުލޫމާތު ޓީވީއެމްގެ މި ޝޯގެ ތެރެއިން ގެންދަވަނީ ހާމަކުރައްވަމުންނެވެ.

މި ޓެލެތޯންގައި ބައިވެރިވެވަޑައިގަތުމަށް ނަގުދު ފައިސާއާއި ޓްރާންސްފަރ އަދި ބޭންކް ޗެކް މެދުވެރިކޮށް ފައިސާ ޖަމާކުރެއްވޭނެއެވެ. ފައިސާ ފޮނުއްވޭނޭ އެކައުންޓް ނަންބަރުގެ މައުލޫމާތު މި ޓެލެޓޯން ނިންމެންދެން ޓީވީން ފެނިވަޑައިގަންނަވާނެއެވެ.

  ޓީވީއެމްގެ އިތުރުން ރާއްޖޭގެ ވަރަށް ގިނަ ޓީވީ ޗެނަލްތަކުން މި ޝޯ ވަގުތުން ދައްކަމުން ގެންދާކަން ވެސް ފާހަގަކުރެވެއެވެ.  .

ޙަސަން ޝާކިރު މުޙައްމަދު
ޙަސަން ޝާކިރު މުޙައްމަދު
ޙަސަން ޝާކިރު މުޙައްމަދަކީ ކުޅަދާނަ ޅެންވެރިއެކެވެ. ލިޔުންތެރިއެކެވެ. މިހައިތަނަށް އަށް ފޮތް ލިޔުއްވައި، ނެރުއްވައިފައި ވެއެވެ. ޙަސަން ޝާކިރު މުޙައްމަދަށް ވަނީ، ދިވެހި ޅެންވެރިކަމުގެ ރޮނގުން 1998 ވަނަ އަހަރު، ޢާންމު ޚިދުމަތުގެ ހިތްވަރު ދިނުމުގެ އިނާމު، އަދި 2007 ވަނަ އަހަރު، ދިވެހި އަދަބިއްޔާތަށް ޚިދުމަތް ކުރުމުގެ ދާއިރާއިން، ދިވެހިބަހުން ވާހަކަދެއްކުންތެރިކަމުގެ ރޮނގުން ހިތްވަރު ދިނުމުގެ އިނާމު ލިބިވަޑައިގެންފައެވެ. އަދި 2022 ވަނަ އަހަރު ދިވެހިބަހާއި އަދަބިއްޔާތުގެ ދާއިރާއިން ޝަރަފުވެރިކަމުގެ ޤައުމީ އިނާމުވެސް ޝާކިރަށް ވަނީ ލިބިވަޑައިގެންފައެވެ.

ޚިޔާލު ފޯމު

ޚިޔާލު ފައުޅު ކުރެއްވުމުގައި ދީނީ، ޤާނޫނީ އަދި ސުލޫކީ މިންގަނޑުތަކަށް ސަމާލުކަން ދެއްވުން އެދެމެވެ.