ލާމަރުކަޒީ ނިޒާމުގެ އިސް މޭސްތިރިޔަކީ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ކަމަށާއި މި ނިޒާމު ފުރިހަމަ ކުރުމަކީ އެމަނިކުފާނުގެ ތަސައްވަރެއް. ކަމަށް އެލްޖީއޭގެ ސީއީއޯ ފާތުމަތު އަފްޝަން ލަތީފު ވިދާޅުވެއްޖެއެވެ.
އޭނާ މިހެން ވިދާޅުވީ މިއަދު ފެށުނު "ވިއަވެތި" ކޮންފަރެންސްގައި ވާހަކަ ދައްކަވަމުންނެވެ.
އެލްޖީއޭއިން ކައުންސިލްތަކާއި ގުޅިގެން ކުރަމުންދާ މަސައްކަތްތަކާއި ކުރަން ހުރި މުހިންމު މަސައްކަތްތަކާއި ގުޅޭގޮތުން ވާހަކަ ދްއްކަވަމުން އަފްޝަން ވިދާޅުވީ މިއަދު އަޅުގަނޑުމެން މިނިޒާމުގެ ތެރެއިން ގެންނަމުން މިދަނީ އިންގިލާބީ ބަދަލުތަކެއް ކަމަށެވެ.
އެހެންނަމަވެސް އަދިވެސް ރަނގަޅު ކުރަންޖެހޭ އިސްލާހު ކުރަންޖެހޭ ބައިވަރުކަންކަން އެބަހުރިކަން އަފްޝަން ވަނީ ފާހަގަކުރައްވާފައެވެ.
ލާމަރުކަޒީ ނިޒާމުގެ ބާރުވެރިކަން ކައުންސިލްތަކަށް ލިބިދިނުމުގައި އެކި ޤާނޫނުތަކަށް ގެންނަން ޖެހޭ ބަދަލުތައް ގެނައުމުގެ މަސައްކަތް މިހާރުވެސް ދަނީ ކުރެވެމުންކަމަށް އަފްޝަން ވިދާޅުވިއެވެ. އަދި މިއާއުއެކު ބައެއް ގަވާއިދުތަކާއި އުސޫލުތަކަށް ގެންނަންޖެހޭ ބަދަލުތައް ވެސް ދަނީ ގެންނަމުންކަމަށް ވިދާޅޫވިއެވެ.
