މި އަހަރުގެ ނޮވެމްބަރު މަހު 4 ގައި ރިލީޒްކުރަން ތާވަލުކުރި "ޝެހެޒާދާ" ރިލީޒުކުރުން އަންނައަހަރަށް ފަސްކޮށްފިއެވެ.
ކާތިކް އާރްޔަން އާއި ކްރިތީ ސަނަން އެކުގައި ފެނިގެންދާ މި ފިލްމު އަންނަ އަހަރަށް ފަސްކުރި ސަބަބެއް އަދިހާމައެއް ނުކުރެއެވެ.
ބައެއް ރިޕޯޓުތައް ބުނާގޮތުން "ޝެހެޒާދާ" ރިލީޒްކުރުމަށް މިހާރުނިންމާފައިވަނީ އަންނަ އަހަރުގެ ފެބްރުއަރީ 10 ގައެވެ.
2020 ގެ ކާމިޔާބު ތެލުގޫ ފިލްމު ”އަލާ ވައިކުންތަޕޫރަމުލޫ“ ގެ ހިންދީ ރީމޭކް "ޝެހެޒާދާ" ގައި ރޯނިތު ރޯއީ، މަނީޝާ ކޮއިރާލާ، ޕަރޭޝް ރަވާލް އަދި ސަޗިން ކެޅްކަރް ވެސް މައިގަނޑު ރޯލުތަކުން ފެނިގެންދެއެވެ.
މި ފިލްމަކީ ބުޝަން ކުމާރާއި، ކްރިޝަން ކުމާރް، އައްލޫ އަރްވިންދު އަދި އަމަން ގިލް ގުޅިގެން ޕްރޮޑިއުސްކޮށް، ރޯހިތު ދަވަން ޑައިރެކްޓްކުރާ ފިލްމެކެވެ.
ކާތިކް އާރްޔަން އެންމެފަހުން ފެނިފައިވަނީ ”ބޫލް ބުލައްޔާ 2“ އިންނެވެ. ކުރިއަށް އަންނަންހުރި އޭނާގެ ފިލްމުތަކުގެ ތެރޭގައި ފްރެޑީ، ކެޕްޓަން އިންޑިއާ، އަދި ސަތިޔަނާރަޔަން ކީ ކާތާ ހިމެނެއެވެ. އަދި ނަން ހާމަނުކުރާ އެކްޝަން ފިލްމެއް ހިމެނޭ ކަމަށް ރިޕޯޓުތައް ބުނެއެވެ.
ކްރިތީ ސަނަންގެ ކުރިއަށް ހުރި ފިލްމުތަކުގެ ތެރޭގައި ބޭޅިޔާ، ގަނަޕަތު އަދި އަދިޕުރުޝް ހިމެނެއެވެ.
އޭނާ އެންމެ ފަހުން ފެނިގެންދިޔައީ މިދިޔަ މާރޗު މަހު ރިލީޒްކުރި ”ބައްޗަން ޕާންޑޭ“ އިން އަކްޝޭ ކުމާރާ އެކުގައެވެ.
