ރާއްޖެއިން ލިބެންނެތް ފަރުވާއަށް 37 މީހަކު ރާއްޖެއިން ބޭރަށްގެންދިއުމަށް ހަޖައްސަވައިފައިވާކަމަށް ނެޝެނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ) އިން ވިދާޅުވެއްޖެއެވެ.
އެންއީއޯސީގެ މިރޭގެ ނޫސްވެރިންގެ ބައްދަލުވުމުގައި އެ ސެންޓަރުގެ ތަރުޖަމާނު މަބްރޫކް ޢަބްދުލް އަޒީޒު ވިދާޅުވީ އާސަންދައިން އެމީހުން ފޮނުވުމަށް މަސައްކަތް ކުރަމުންދަނީ އިންޑިއާއަށް ކަމަށެވެ. އާސަންދައާ ހަވާލާދެއްވައި މަބްރޫކް ވިދާޅުވީ އެމީހުންގެ ފަރުވާގެ ކަންކަމުގައި އިންޑިއާ ސަރުކާރާއެކު މަޝްވަރާ ކުރައްވަމުން ގެންދަވާކަމަށެވެ. މިހާތަނަށް އައިއިރު އިންޑިއާ ސަރުކާރުން ފްލައިޓެއް ދަތުރު ކުރުމުގެ ހުއްދަ ލިބިފައި ނުވާކަމަށެވެ. މިމީހުންގެ ތެރޭގައި ގިނައީ ކެންސަރު ބަލީގެ މީހުންކަމަށް މަބްރޫކް ފާހަގަ ކުރެއްވިއެވެ.
