ކުޑަ ކުއްޖާ ރޭޕު ކުރުމުގައި ބައިވެރިވި ކަމަށް ތުހުމަތު ކުރެވޭ އެ ކުއްޖާގެ ބައްޕަ ބަންދުކޮށްގެން ދޫނިދޫ ޖަލަށް ގެންގޮސްފިއެވެ.
އޭނާ ބަންދުކޮށްފައިވަނީ އޭނާ ދިރިއުޅެމުންދިޔަ ހުޅުމާލެ ފުލެޓް 108 ނަމްބަރުންނެވެ. އޭނާގެ އުމުރަކީ 32 އެވެ.
މިއަދު ހަވީރުން ފެށިގެން އެ ފުލެޓު ކައިރިއަށް މީހުން ޖަމާވެ ގެންދިޔައީ އިހުތިޖާޖު ކުރަމުންނެވެ. މިއަދުގެ ވަގުތެއްގައި ވަނީ އެކުއްޖާގެ ކާފައާއި މުނިކާފަ ވެސް މިމައްސަލާގައި ބަންދުކޮށްފައެވެ. އެމީހުން ބަންދަށް ކޯޓުން ވަނީ 15 ދުވަސް ޖަހައިދީފައެވެ.
މިމައްސަލައާ ގުޅިގެން މާލޭގެ އިތުރަށް ބައެއް ރަށްރަށުގައި ވަނީ މުޒާހާރާ ވެސް ކޮށްފައެވެ. އަދި ކުދިންގެ ރައްކާތެރިކަން ކަށަވަރު ކުރުމަށްޓަކައި މިފަދަ ކަންކަމުގައި ހަރުކަށި އަދަބު ދިނުމާއި އަދި އަދަބު އަވަސް ކުރުމަށް ވެސް އެފަދަ މުޒާހަރާތަކުގައި ވަނީ ގޮވާލައިފައެވެ.
ކުރީގެ ޕްރޮސެކިއުޓަރ ޖެނެރަލް މުހުތާޒު ވިދާޅުވެފައިވަނީ މިފަދަ ކަންކަމާމެދު މަހެއްދުވަހު އަޅުމަށްފަހު ހުއްޓާލައިގެން ނުވާނެއެވެ. މިއީ ސީރިއަސް މައްސަލަތަކެއް ކަމަށާއި އިހުމާލުވުން ބަލައިގަންނަން ދަތި ކަމަށްވެސް އޭނާ ވިދާޅުވެފައިވެއެވެ.
