ހުކުމް ތަންފީޒު ކުރަމުންދިޔަ ގައިދީއަކު މިނިވަންވީ އޭނާ ކުރި ކަމެއްގެ ސަބަބުން ނޫން ކަމަށާއި އެއީ ގަސްތުގައި އޮފިސަރަކު ލިޔުންތައް ބަދަލުކުރުމުން ކަމަށް ކޮމިޝަނަރ އޮފް ޕްރިޒަންސް އަބްދުﷲ މުނާޒް ވިދާޅުވެއްޖެއެވެ.
މިއަދު ބޭއްވި ނޫސްވެރިންގެ ބައްދަލުވުމެއްގައި މުނާޒް ވިދާޅުވީ މުނާޒް ވިދާޅުވީ އެކަން އެނގުނީ އެ ލިޔުމުގައި ސޮއިކޮށް، އެމީހާ ދޫވި ފަހުން ކަމަށެވެ.
އަދި އެކަން އެނގުނު ހިސާބުން އެ އޮފިސަރު ސަސްޕެންޑުކޮށް އެ މައްސަލަ ތަހުގީގު ކުރުމަށް މޯލްޑިވްސް ޕޮލިސް ސަރވިސްއަށް ހުށަހަޅާފައިވާނެ ކަމަށް ވެސް އޭނާ ވިދާޅުވިއެވެ.
އޭނާ ވިދާޅުވީ އެ މައްސަލައިގެ ހެކިތައް ފުލުހުން މިހާރު ހޯދާފައިވާ ކަމަށެވެ.
އަދި އޭނާ އަކީ ކޮރަޕްޓް މީހެއް ނޫން ކަމަށާއި ފައިސާގެ ދަހިވެތިކަމުގައި ގަވާއިދާ ޚިލާފަށް އެއްވެސް ކަމެއް ނުކުރައްވާނެ ކަމަށް ވެސް މުނާޒް ވިދާޅުވިއެވެ.
