އަންހެނުންނަށް އަޣުލަބިއްޔަތު ލިބިފައިވާ ވަޒީރުންގެ މަޖިލީހެއް އޮސްޓްރިއާގައި ހުވައި ކޮށްފިއެވެ. މިއީ ދުނިޔޭގައި ފިރިހެނުންނަށްވުރެ ގިނައިން އަންހެނުން ހިމެނުނު ފުރަތަމަ ވަޒީރުންގެ މަޖިލީހެވެ.
މުޅި ވަޒީރުންގެ މަޖިލީހުގައި ހިމެނިވަޑައިގަންނަވަނީ 17 ބޭފުޅުންނެވެ. އެއީ 13 ވަޒީރުންނާއި 2 ސްޓޭޓް ސެކްރެޓަރީންނާއި ޗާންސެލަރާއި ވައިސް ޗާންސެލަރެވެ. އެކަމަކު ޗާންސެލަރާއި ވައިސް ޗާންސެލަރުގެ މަގާމު އަދާ ކުރައްވަނީ ފިރިހެން ބޭފުޅުންނެވެ. ސްޓޭޓް ސެކްރެޓަރީންނަކީ ސީދާ ސަރުކާރުގައި ހިމެނިވަޑައިގަންނަވާ ބޭފުންނަށް ނުވީ ނަމަވެސް އެއީވެސް ކެބިނެޓް ނުވަތަ ވަޒީރުންގެ މަޖިލީހުގެ ބޭފުޅުންނެވެ. ޗާންސެލަރަކީ ސަރުކާރުގެ އެންމެ އިސް ވެރިޔާއެވެ.
ޗާންސެލަރ ސެބާސްޓިއަން ކުރުޒަކީ ދުނިޔޭގެ އެންމެ ޒުވާން ވެރިޔާއެވެ. ނުވަތަ ހެޑް އޮފް ސްޓޭޓެވެ. އޭނާގެ މިހާރުގެ އުމުރުފުޅަކީ 33 އަހަރެވެ.
އޮސްޓްރިއާގެ އިންތިޚާބުގައި އެއްވެސް ޕާޓީއަކަށް ސީދާ އަޣުލަބިއްޔަތު ނުލިބުމުގެ ސަބަބުން ވެރިކަން ހިންގާނީ އިއްތިހާދަކުންނެވެ.
