ޕާލަމަންޓްރީ އެޑިޔުކޭޝަން ސެމިނާރެއް އައްޑު އަތޮޅުގައި ބާއްވައިފިއެވެ. އެއް ދުވަހަށް ބޭއްވި މި ސެމިނާރު ގައި އައްޑުއަތޮޅުގެ ހުރިހާ ސާނަވީ ސްކޫލު ތަކުން ބައިވެރިވިއެވެ.
ރައްޔިތުންގެ މަޖިލީހުގެ އިދާރާގެ ޑިރެކްޓްރ ޙަސަން ޒިޔާއު މަޢުލޫމާތު ދެއްވި ގޮތުގައި މި ބައްދަލުވުމުގައި 185 ދަރިވަރުން ބައިވެރިވިއެވެ. ބައިވެރިވި ގިނަ ދަރިވަރުންނަކީ ގްރޭޑް 9،10،11 ގެ ދަރިވަރުންނެވެ. ދަރިވަރުންނަށް މަޢުލޫމާތު ދެއްވީ ރައްޔިތުންގެ މަޖިލީހުގެ އިދާރާގެ އެކި ސެކްޝަންތަކުގެ އިސްވެރިންނެވެ. މި ބައްދަލު ވުމަކީ ރައްޔިތުންގެ މަޖިލީހުގެ ދައުރާއި މަޖިލީސް މަސައްކަތް ކުރާގޮތުގެ މަޢުލޫމާތު ދަރިވަރުންނަށް ދިނުމަށް ބޭއްވި ބައްދަލުވުމެވެ.
ޕާލަމަންޓްރީ އެޑިއުކޭޝަންގެ ޕްރޮގަރާމްގެ ދަށުން ކުރިންވެސް ރައްޔިތުންގެ މަޖިލީހުން ވަނީ ބައްދަލުވުންތައް ބާއްވައިފައެވެ. ރައްޔިތުންގެ މަޖިލީހުގެ ކުރީގެ ރައީސް އަޙްމަދު ޒާހިރު (ސީނާ ޒާހިރު) ހިންގެވި ކާމިޔާބު ޕްރޮގަރާމް ފާހަގަ ކޮށްލެވެއެވެ. އޭނާ ވަނީ ދަރިވަރުންނަށް ނަމޫނާ މަޖިލީސްތަކެއްވެސްހިންގަވައިފައެވެ. އެމަޖިލިސްތަކުގައި އަތޮޅުތައް ތަމްސީލްކުރީ އެ އަތޮޅުތަކުގެ ދަރިވަރުންކަންވެސް ފާހަގަ ކޮށްލެވެއެވެ.
