ތ. އަތޮޅު ވިލުފުށްޓަށް ނިސްބަތްވާ ޒުވާން ޑްރައިވަރަކަށް ޗައިނާގެ ޒުވާނަކު ޝުކުރު އަދާކޮށްފިއެވެ. ފަންގް ފަންގް ނަމަކަށް ކިޔާ ޗައިނާގެ ޒުވާން އަންހެންކުއްޖާ، އާދަމް ސާމީ ކިޔާ ޒުވާން ޑްރައިވަރަށް ޝުކުރު އަދާކޮށްފައި ވަނީ އަވަސްރައިޑް މެދުވެރިކޮށް ހޯދި، އެޑްރައިވަރު ދުއްވާ ޓެކްސީގައި ހަނދާންނެތި އޭނާގެ ލަގޭޖް ބެހެއްޓިފައި ވަނިކޮށް އެތަކެތި ޑްރައިވަރު އޭނާއަށް އަނބުރާ ގެންގޮސް ދިނުމުންނެވެ.
https://twitter.com/Fangfang21_/status/1171619748531953664?s=20
ޗައިނާގެ ޒުވާނާގެ ޓްވީޓްގައި ބުނެފައިވަނީ ލަގޭޖެ ނެތްކަން އެނގިގެން ގުޅިއިރު ޑްރައިވަރު ހުރީ ހުޅުމާލޭގައި ކަމަށެވެ. ނަމަވެސް ކުޑައިރުކޮޅެއްގެ ތެރޭގައި ލަގޭޖް ހިފައިގެން ޑްރައިވަރު އައިކަމުގައެވެ. ނަމަވެސް އެކަމަށް އިތުރު އަގެއް އެޑްރައިވަރު ނުނަގާކަމަށް ފަންގް ބުނެފައި ވެއެވެ. މާލެ ދެކެ ލޯބިވަނީ އެހެން ވެގެން ކަމަށް، ޑްރައިވަރު ސާމީގެ ފޮޓޯއާއެކު އޭނާ ކޮށްފައިވާ ޓްވީޓްގައި ވަނީ ބުނެފައެވެ.
ފަންގް ފަންގް އަކީ ދިވެހި ބަސް ދަސް ކުރަމުންދާ ޗައިނާގެ ރައްޔިތެކެވެ. އޭނާ ދިވެހި ބަސް ދަސްކުރުމަށް ކުރާ ބައެއް މަސައްކަތްވެސް އެނާގެ ކޮށްފައިވާ ބައެއް ޓްވީޓް ތަކުގައި ވެއެވެ.
"އައްސަލާމްއަލައިކުމް! އަހަރެންގެ ނަމަކީ ފަންގް ފަންގް. އަހަރެން ދިވެހި ދަސްކުރަނީ." ފަންގް ފަންގް ތާނައިން ކޮށްފައިވާ ޓްވީޓެއްގައި ބުނެފައިވެއެވެ.
