މި އަހަރުގެ އަޟްހާ ޢިދާ ދިމާކޮށް ޕްލުމީރިއާ ގެސްޓް ހައުސް އާއި ގުޅިގެން ދިރާގުގެ ކަސްޓަމަރުންނަށް ހުޅުވާލި ހާއްސަ ޢީދު ހަދިޔާ ޙަވާލުކުރައްވައިފިއެވެ.
ދިރާގުންމިއިނާމުގެ ނަސީބުވެރިޔާ ހޮވާފައިވަނީ ދިރާގު ގެ ފޭސް ބުކް ޕޭޖް މެދުވެރި ކޮށް ކުރިއަށް ގެންދިޔަ "ލައިކް އެންޑް ޝެއަރ" ޕޮރޮމޯޝަން އަކުންނެވެ. 1،500 އަށްވުރެން ގިނަ ކަސްޓަމަރުން 24ގަޑިއިރަށް ވުރެން ކުޑަ ވަގުތުކޮޅެއްގެ ތެރޭގައި ވަނީ މިޕްރޮމޯޝަނުގައި ބައިވެރިވެ މިކަމަށް ތައްޔާރުކޮށްފައިވާ ޕޯސްޓް ޝެރާކޮށް ލައިކްކޮށްފައި ކަމަށް ދިރާގުން ވިދާޅުވެއެވެ.
ސޯޝަލް މީޑިއާ މެދުވެރި ކޮށް މި ޕޮރޮމޯޝަން ކުރިއަށް ގެންދިޔައީ، ދިރާގަކީ ރާއްޖޭގައި މިހާރު ސޯޝަލް މީޑިޔާ ގެ ކަވަރޭޖެ އެންމެ ބޮޑު އެއް ކުންފުންޔަށް ވެފައި ރާއްޖޭއްގެ ވީހާވެސް ގިނަ ފަރާތް ތަކުން މި ޕްރޮމޯޝަންގައި ބައިވެރިވުމުގެ ފުރުސަތު މަގު ފަހި ކޮށް ދިނުމުގެ ބޭނުމުގަ. މިފަހަރުގެ ޕްރޮމޯޝަން ކުރިއަށް މިގެންދިޔައީ ފޭސްބުކް ބޭނުންކުރައްވާ ދިރާގު ފޭސްބުކްފޭނުންގެ ތެރެއިން ރަށުން ބޭރަށް ޢީދު ޗުއްޓީ ހޭދަކޮށްލަން ވަޑައިންނަވަން ބޭނުންފުޅުންނަށް އަމާޒުކޮށް. މިފުރުސަތު ގައި ޕްލުމީރިޔާ ގެސްޓްހައުސްގެ މެނޭޖުމަންޓަށް ވަރަށް ބޮޑަށް ޝުކުރު ދަންނަވަން."
ދިރާގުގެ ޕަބްލިކް ރިލޭޝަންސް މެނޭޖަރ އިމްޖާދް ޖަލީލް ވިދާޅުވިއެވެ.
މި އަހަރުގެ އަޟްހާ އީދުހަދިޔާގެ ގޮތުގައި ގުރުވަތުން ހޮވޭ ބޭފުޅެއްގެ އާއިލާއާއި އާއިއެކުމި ކުރިއަށް އޮތް އަޟްހާ ޢީދު ބަންދުގައި ޕްލުމިރިއާ ގެސްޓް ހައުސްގައި 2 ރެޔާއި 3 ދުވަހު ހުރުމުގެ ފުރުސަތެވެ. ޕްލުމީރިއާ ގެސްޓް ހައުސް އަކީ ރާއްޖޭގައި މިހާރު ހިންގޭ އެންމެ ބޮޑު އަދި އެންމެ ފުރިހަމަ އެއް ގެސްޓްހައުސް ފިޔަފާރިއެވެ.
ޕްލުމީރިއާ ގެސްޓް ހައުސް އަކީ ވ. ތިނަދޫ ގައި ހުންނަ ގެސްޓް ހައުސް އެކެވެ. މި ގެސްޓް ހައުސް އަކީ ރާއްޖޭގެ ރިސޯޓްތަކުން ލިބޭ ފަދަ ލަގްޒަރީ ހިދުމަތް ހޮޔޮ އަގުގައި ފޯރު ކޮއްދޭ ގެސްޓް ހައުސް އެކެވެ. ރިސޯޓެއްގައިވެސް ލިބިގެންދާ ފުރިހަމަހިދުމަތްތައް ފޯރުކޮށްދިނުމަށް، މިގެސްޓްހައުސް ބިނާކޮށްފައިވާނީ ތިނަދޫގައި ހަމަ ކުޑަ ރިސޯޓެއްގެ މިސާލަށެވެ. ވ.ތިނަދޫގެ ބޮޑުސަރަހައްދެއްގައި ވޯޓަރސްޕޯޓްސް ނުވަތަ ފެނުގެ ކުޅިވަރުތަކާއި، ޑައިވިނަގްގެ ހިދުމަތާއި، ރެސްޓޯރަންޓާއި، ވަކި ހާއްސަ މޫދައްއެރޭ ސަރައްހައްދެއްވެސް ވަނީ މިގެސްޓްހައުސްއިން ޤާއިމްކޮށްފައެވެ.
"އަޅުގަނޑު މެންގެ އަމާޒަކީ އަސްލު ރާއްޖޭގެ ފުރިހަމަކަންލަގްޝަރީ ރިސޯޓް ތަކުން ދޭ ހިދުމަތްތައް ހެޔޮ އަގެއްގައި ދިވެހިން އަދި ފަތުރުވެރިންނަށް ވެސް ފޯރުކޮށް ދިނުން.އަދި ޕްލުމީރިޔާއަކީ އެހެން ގެސްޓް ހައުސް ވިޔަފާރިތަކާއި ހިލާފަށް ހުރިހާ ހިދުމަތެއް އެއްޓަކުން ލިބެންހުރި، އަދި ކުޑަ ރިސޯޓެއްފަދައިން ލަގްޒަރީ ހިދުމަތްތައް ފޯރުކޮށްދޭ ގެސްޓްހައުސް ވިޔަފާރިއެކެވެ. އެހެންކަމުން ގިނަ ދިވެހިން ހަރަކާތްތެރިވާކަމަށް އަޅުގަނޑުމެނަނަށް ފެނިފައިވަނީ ދިރާގު ފޭސްބުކް ޕޭޖު.އެގޮތުން ޢީދާ ދިމާ އަޅުގަނޑުމެންވެސް ދިވެހިންނަށް ހާއްސަ ހަދިޔާއެއް ސޯޝަލްމީޑިއާމެދުވެރިކޮށް ދޭންބޭނުންވި. އެގޮތުން ދިރާގާއި ގުޅިގެން އަޅުގަނޑުމެންގެ ފަރާތުން ވެސް ދިވެހިންނަށް މި ފޯރުކޮށްދޭ ހަދިޔާއަކީ ހުރިހާ ބޭފުޅުންނަށް ވެސް ކަމުދާނެހަދިޔާއެއް ކަމަށް އުއްމީދުކުރަން"
ޕްލުމީރިއާ ގެސްޓް ހައުސް ގެ ޑިރެކްޓަރ އަހުމަދު ޝާހިދު ވިދާޅުވިއެވެ.
މި ލަކީ ޑްރޯ ކާމިޔާބު ކުރެއްވި ނަސީބު ވެރިޔަކީ ހދ. ކުޅުދުއްފުށީ، ސުތުލިމާގޭ، ހަދީޖާ އެވެ.
"އަޅުގަނޑު ހުރީ މި ޢީދު ބަނދުގައި އާއިލާ އާ އެއްކޮށް ޢީދު އުފަލުގައި ބައިވެރިވާން ރަށަކަށް ދާން ވަރަށް ބޭނުން ވެފައެވެ. ނަމަވެސް، އެކި އެކި ސަބަބު ތަކާއި ހެދި ނުދެވިފައި ވަނި ކޮށް މި ލަކީ ޑްރޯ ކާމިޔާބު ވިކަމުގެ ހަބަރު ލިބުނީ. އެންމެ އުފާވަނީ އަޅުގަނޑުގެ މުޅިއާއިލާއާއި އެކު އީދު ޗުއްޓީ ހޭދަކޮށްލަން ދިއުމުގެ ފުރުސަތު ލިބިގެން ދިޔުމުން. އެހެންކަމުން މި ފުރުސަތުގަ ދިރާގުން މި ކަހަލަ ޢީދާއި ގުޅޭ ޢީދު ހަދިޔާއެއް ޕްލުމީރިއާ ފަދަ ބޮޑު ގެސްޓް ހައުސް އަކުން ދެއްވި ކަމަށްޓަކައި ވަރަށް ބޮޑަށް ޝުކުރު އަދާ ކުރަން"
މި އިނާމް ލިބުމުން ހަދީޖާ ވިދާޅުވިއެވެ.
