އިނގިރޭސި ވިލާތުގެ ކުރީގެ ފުޓުބޯޅަ ކުޅުންތެރިޔާ ޑޭވިޑް ބެކަމް ހަމަސް ވަން ދެން ދުއްވުން މަނާކޮށްފިއެވެ. ބުދަ ދުވަހު ލަންޑަންގެ ކޯޓަކުން އޭނާ އަށް ދުއްވުން މަނާކުރީ ކާރު ދުއްވަމުން މޯބައިލް ފޯނު ބޭނުން ކުރުމުންނެވެ.
ބެކަމް އަށް ދުއްވުން މަނާކުރި މިދިޔަ އަހަަރުގެ ނޮވެންބަރު މަހުގެ 21ވަނަ ދުވަހު ކާރު ދުއްވަމުން ދިޔައިރު ޓްރެފިކަށް ސަމާލުކަން ނުދީ އުނގުގައި ފޯނު ބާއްވައިގެން ފޯނާ ކުޅެން އިން ކަމަށް ޕްރޮސެކިޔުޓަރު ބުނި ކަމަށް ޕްރެސް އެސޯސިއޭޝަނުން ރިޕޯޓު ކުރެއެވެ. އެ މަންޒަރު އާއްމު މީހަކު ވަނީ ފޮޓޯ ނަގައިފައެވެ. އަދި އެވަގުތު ބެކަމް ފޯނު ބޭނުން ކުރަމުން ދިޔަ ކަމަށް އެ މީހާ ހެކި ބަސް ދީފައިވެއެވެ.
އެ ދުވަހުގެ މަތިން ބެކަމް ހަނދާނެެއް ނެތް ކަމަށް ބެކަމްގެ ވަކީލު ބުނި ކަމަށް ޕީ.އޭ އިން ރިޕޯޓު ކުރެއެވެ. ނަމަވެސް އެއީ ބަހަނާއެއް ކަމަށް ނުހަދައި ކުށަށް އިއުތިރާފުވެ ޖުރްމާނާ ދައްކައި ކޯޓުގެ ނިންމުމަށް ޙުރުމަތްތެރިކޮށް ހިތާނެ ކަމަށެވެ.
މީގެ ކުރިންެސް ބާރަށް ދުއްވައިގެން ބެކަމްގެ ލައިސަން އިން ހަ ޕޮއިންޓު ވަނީ ކަނޑާފައެވެ. ފަނޑިޔާރުވަނީ ބެކަމްގެ ލައިސަންސުން އިތުރު ހަ ޕޮއިންޓު ކަނޑާފައެވެ. އަދި އޭގެ އިތުރުން ހަ މަސް ދުވަސް ވަންދެން އެއްގަމު އުޅަނދު ދުއްވުން މަނާކޮށްފައެވެ. ދުއްވުން މަނާ ކުރުމުގެ އިތުރުން 750 ޕައުންޑުން ޖުރުމާނާ ވެސް ކުރިއެވެ. އަދި ޕްރޮސެކިއުޝާން ފީގެ ގޮތުގައި ސަތޭކަ ޕައުންޑް ދައްކަްނ ޖެހުނެވެ.
އެ ދުވަހު ކޯޓަށް ޙާޟިރުވި ނަމަވެސް ބެކަމް މީޑިއާ އާ ވާހަކަ ދައްކާފައެއް ނުވެއެވެ.
