ޖޯސެފް ހެލަރގެ ކްލެސިކް ނޮވެލް، "ކެޗް-22" ގެ ޓީވީ ޝޯގެ ޕްރިމިއަރ އަންގާރަ ދުވަހު ލޮސް އެންޖެލިސްގައި ބާއްވައިފިއެވެ. ކެޗް-22 ގައި ކްލޫނީ ކުޅެނީ ލެފްޓީނެންޓެއްގެ ރޯލެވެ. އޭގެ އިތުރުން އޭނާއަކީ އެ ސިލްސިލާގެ ޑައިރެކްޓަރު އަދި އެގްޒެކެޓިވް ޕްރޮޑިއުސަރެވެ. ކުލޫނީ ގެ އިތުރުން މި ޝޯގައި ކްރިސްޓޮފަރ އެބޮޓް އާއި ކައިލް ޝެންޑްލާރ އަދި ހިއު ލޯރީ ވެސް އުޅެއެވެ.
ޝޯ ފެށުމަށް ތާވަލު ކުރެވިފައިވަނީ މި މަހުގެ 17ވަނަ ދުވަހުއެވެ. އަންގާރަ ދުވަހުގެ ރޭގެ ހަރަކާތުގައި ކޮލޫނީ އާއެކު އޭނާގެ އަންހެނުން އަމާލް ކްލޫނީ ބައިވެރިވިއެވެ.
ޝޯ އާ ބެހޭ ގޮތުން މިދިޔަ ހަފްތާގައި ނިއުޔޯކުގައި ބޭއްވި ޕެނަލް އެއްގައި ވެސް ކުލޫނި ބައިވެރިވިއެވެ. ޝޫޓު ކުރަމުން ދިޔަ އިރު އިޓަލީގައި އޭނާ ދުއްވާފައި ދިޔަ ސްކޫޓަރު އެކްސިޑެންޓް ވި ވާހަކަ ވެސް އޭނާ ވަނީ އޯޑިއެންސާ ހިއްސާކޮށްފައެވެ. އެ ނުރައްކާތެރި އެކްސިޑެންޓަށް ފަހު އަމާލް މިހާރު އޭނާ އަށް ސްކޫޓަރު ދުއްވުން މަނާކޮށްފައިވާ ކަމަށް ކްލޫނީ ބުންޏެވެ.
