މިއަހަރުގެފިތުރުޒަކާތް ބަލައިގަންނަން މިއަދުފަށައިފި ކަމަށް އިސްލާމިކް މިނިސްޓްރީން ވިދާޅުވެއްޖެއެވެ.
މިއަދުގެ ފެށިގެން ރަމަޟާންމަހުގެ 29 ވަނަދުވަހާ ހަމައަށް ޒަކާތް ބަލައިގަތުމަށް ވަނީ ހަމަޖެހިފައެވެ. ޒަކާތް ބަލައިގަންނަންނީ ބަންދުނޫން ކޮންމެދުވަހަކު ހެނދުނު 9:30 އިން 1:00 އަށެވެ.
މާލެއިން ޒަކާތް ބަލައިގަންނަނީ އިސްލާމިކް މިނިސްޓްރީ އިންނެވެ. ހުޅުމާލޭގައި އުޅޭ މީހުން ޒަކާތް ދައްކަންޖެހެނީ ކޮމިއުނިޓީ ސެންޓަރަށެވެ. ވިލިމާލޭގައި އުޅޭ މީހުން ޒަކާތް ދައްކަން ޖެހެނީ ސިޓީ ކައުންސިލްގެ ވިލިމާލެ ޔުނިޓަށެވެ. ރަށްރަށުގައި އުޅޭ މީހުންގެ ޒަކާތް ބަލައިގަންނާނީ އެ ރަށެއްގެ ކައުންސިލުންނެވެ.
ފިތުރު ޒަކާތުގެ ގޮތުގައި ދައްކަން ޖެހޭނީ އެ އަހަރެއްގައި އާންމުކޮށް ކައި އުޅުނު ބާވަތަކުން 2.4 ކިލޯއަށް ވާ އަގެވެ.
