ހޮނިހިރުދުވަހު ތުރުކީގައި ކައިވެނި ޕާޓީއަކަށް ދިން ނުރައްކާތެރި ޙަމަލާއަށްފަހު ، ހައްދުފަހަނައަޅާފައިވާ އައިއެސް ޖަމާޢަތް ތުރުކީގެ ސަރަޙައްދީ އިމުގެ ކައިރިން މިޅިން ސާފުކޮށްލުމުގެ މަސައްކަތް ތުރުކީގެ އަސްކަރިއްޔާއިން ފަށައިފިއެވެ.
ތުރުކީއާއި ސޫރިޔާ ގުޅުނު ސަރަޙައްދީ އިމުގެ ކައިރި ސަރަހައްދެއްގައި ހޯމަދުވަހު ކުރިއަށްދިޔަ، ކުރްދީންގެ ބައެއްގެ ކައިވެނި ޕާޓީއަކަށް ދިން ޙަމަލާއަކީ ފަހަކަށްއައިސް ތުރުކީގައިދިން އެންމެ ނުރައްކާތެރި ހަމަލާއެވެ. މިޙަމަލާގައި ޢާއްމުންގެ 54 މިހުން މަރވިއެވެ. އޭގެތެރޭގައި 22 ކުޑަކުދިންވެސް ހިމެނެއެވެ.
ތުރުކީގެ ރައީސް ރަޖަބު ޠައްޔިބު އުރުދުޣާން ވިދާޅުވެފައިވަނީ މި ހަމަލާދިނީ ޢުމުރުން 12 ނުވަތަ 14 އަހަރުގެ ކުޑަކުއްޖަކު އަމިއްލައަށް މަރުވެގެންކަމަށް ބެލެވޭ ހެކި މިހާރު ލިބިފައިވާކަމަށެވެ. އަދި މިއީ އައިއެސް ޖަމާޢަތުގެ އަމަލެއްކަމަށްވެސް ތުރުކީގެ ސަލާމަތީ ބާރުތަކުން ތުހުމަތުކުރެއެވެ.
