ޤައުމުގެ ބޮޑު ސަރަޙައްދެއް ހަނގުރާމައިގެ މައިދާނަކަށް ވެފައިވާ ސޫރިޔާގައި ނިމިގެންދިޔަ ހަފްތާގައި އެކަނިވެސް ޢާއްމުންގެ 500 އަށްވުރެ ގިނަ ކުށެއްނެތް މީހުން މަރުވެފައިވާކަމަށް ކަމާބެހޭ ފަރާތްތަކުން ހާމަކޮށްފިއެވެ.
އޭގެތެރެއިން ގިނަމީހުން މަރުވެފައިވަނީ ސޫރިޔާގެ ސަރުކާރުގެ ސިފައިންނާއި، އެމީހުންނަށް ވާގިވެރިވާ ރަޝިޔާއިން ދިން ވައިގެ ޙަމަލާތަކުގައެވެ. ސޫރިޔާގެ އެތެރޭގެ ޙާލަތު މޮނިޓަރ ކުރާ ބައެއް ޖަމްޢިއްޔާތަކުން ހާމަކުރާގޮތުގައި މިމަހުގެ 13 ވަނަދުވަބުން ފެށިގެން 19 ވަނަ ދުވަހުގެ ނިޔަލަށް އެކަނިވެސް ޢާއްމުންގެ ކުށެއްނެތް 508 މީހުން ވަނީ މަރުވެފައެވެ. އޭގެތެރޭގައި 96 ކުޑަކުދިންނާއި، 73 އަންހެނުން ހިމެނެއެވެ.
ފަހަކަށް އައިސް ސޫރިޔާގެ ކުށެއް ނެތް ޢާއްމުން އެންމެގިނައިން މަރުވަމުންދަނީ އެޤައުމުރެ ސަރުކާރުގެ ސިފައިންނާއި، ރަޝިޔާގެ ޙަމަލާތަކުގެ ސަބަބުންނެވެ. އެންމެގިނައިން މީހުން މަރުވެފައިވަނީ ޙަލަބު، އިދިލިބް، ދިމިޝްޤު، ހަމާ މިސަރަޙައްދުތަކުންނެވެ.
