އީރާނުގެ ހުޅަނގުގެ ވައިގެ މަރުކަޒެއް ބޭނުންކޮށްގެން ރަޝިޔާއިން ސޫރިޔާއަށް ބޮން އަޅައިފިއެވެ.
ރަޝިޔާގެ އަސްކަރިއްޔާއިން މިކަން ޔަޤީންކޮށްދީފައިވާއިރު މިއީ މިދިޔަ އަހަރުގެ ސެޕްޓެމްބަރު މަހު ރަޝިޔާ އިން ސޫރިއާ އަށް ހަމަލާ ދޭން ފެށި ފަހުން ތިން ވަނަ ގައުމެއްގެ އެހީއާ އެކު ހަމަލާދިން ފުރަތަމަ ފަހަރެވެ. އީރާނުގެ ވައިގެ އަސްކަރީ ބަނދަރަކުން ފުރައިގެން ގޮސް ރަޝިޔާގެ މި ބޯޓުތަކުން ހަމަލާދީފައި ވަނީ ސޫރިއާގެ ހަލަބާއި އިދްލީބާއި ދައިރުއްޒޫރު ޕްރޮވިންސަށެވެ.
މިހަމަލާތަކުގައި އާއްމުންގެ 27 މީހުން މަރުވެފައިވާކަމަށް ޚަބަރުތައް ބުބެއެވެ.
އީރާނަކީ ސޫރިއާގެ ރައީސް ބައްޝާރުލް އަސަދުގެ ސަރުކާރަށް ވާގިވެރިވާ ގައުމެކެވެ. ބައްޝާރާ ދެކޮޅަށް ސޫރިޔާގައި ހަނގުރާމަކުރާމީހުންނާ ސޫރިޔާއިން ދަނީ ކުރިމަތިލަމުންނެވެ. އަސްކަރީ ގޮތުންނާއި މާލީ ގޮތުން ވެސް ރަޝިޔާއިން ބައްޝާރަށް އެހީވެއެވެ.
