މިންތީގެ ނަޒަރަކުން ވިސްނުމުގެ މުހިންމުކަމާބެހޭ މަޢުލޫމާތު ވަޒީރުންނަށް މިއަދު ދެއްވައިފިއެވެ.
މިއީ މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސަސްއިން އިސްނަންގަވައިގެން ކުރިއަށް ގެންދެވި ޙަރަކާތެކެވެ. މި ޙަރަކާތުގައި މިންތީގެ ހަމަހަމަކަމާއި ގުޅުންހުރި މަފްހޫމްތަކާއި، މިކަމަށް އޮންނަ ޤާނޫނީ އޮނިގަނޑާއި، ބައިނަލްއަޤްވާމީ މުއާހަދާތައް އަދި އެއްބަސްވުންތަކާއި، މިންތީގެ ނަޒަރުން ވިސްނުމުގެ މުހިންމުކަމާބެހޭ ގޮތުން މަޢުލޫމާތު ދެއްވިއެވެ. އަދި މިންތީގެ ނަޒަރިއްޔާތުން ނުވިސްނުމުން ނިކުންނަ ނަތީޖާއާއި ބެހޭ މަޢުލޫމާތު ވަނީ ދެއްވައިފައެވެ.
މިޙަރަކާތް ބޭއްވި ރައީސުލްޖުމްހޫރިއްޔާގެ އޮފީހުގައެވެ. މިޙަރަކާތުގައި ވަޒީރުންނާއި ރައީސުލްޖުމްހޫރިއްޔާގެ އޮފީހުގެ އިސް މަޤާމުތަކުގައި ތިއްބެވި ބޭފުޅުން ބައިވެރިވެވަޑައިގެންނެވިއެވެ.
