ރާއްޖޭގައި މަރުގެ ޙުކުމް ތަންފީޒު ނުކުރެއްވުމަށް މިސަރުކާރުން ނިންމެވި ނިންމެވުމާމެދު ހިތާމަ ކުރައްވާ ކަމަށް ކުރީގެ ހޯމްމިނިސްޓަރ ޢުމަރު ނަސީރު ވިދާޅުވެއްޖެއެވެ.
ޢުމަރުން މިހެން ވިދާޅުވީ ރާއްޖޭގައި މަރުގެ އަދަބު ދިނުން މީގެ 65 އަހަރުކުރިން ފެށިގެން ހުއްޓާލައިފައި އޮތްއޮތުން ދަމަހައްޓަވާނެ ކަމަށް ފޮރިން މިނިސްޓްރީން ވިދާޅުވުމުންނެވެ.
އެމިނިސްޓްރީން ވިދާޅުވެފައިވަނީ މަރުގެ ޙުކުމްތައް ތަންފީޒު ނުކުރުމަށް އދ.ގެ އާންމު މަޖިލީހުން އެކުލަވާލައްވައިފައިވާ ދެލިކޮޕީއަށް ރާއްޖެއިން އާނ ބަސް ބުނާނެ ކަމަށެވެ. އަދި އެއާ އެއްކޮޅަށް ވޯޓުވެސް ދެއްވާނެ ކަމަށް ވެސް ވިދާޅުވެފައިވެއެވެ.
ޢުމަރު ވިދާޅުވީ "ޤިޞާސް ހިފުމަކީ މީހުން މެރުމާއި، ވަޅިހެރުމަށްއޮތް ޙައްލު،" ކަމަށެވެ. ރާއްޖޭގައި އަމާންކަން ޤާއިމް ކުރެވޭނީ ގަސްތުގައި މީހުންމަރާ މީހުންނަށް މަރުގެ އަދަބު ދެވިގެން ކަމަށް ވެސް ވިދާޅުވިއެވެ. "މިރާޖޭގައި މަރުގެ ޙުކުމް ތަންފީޒު ކުރާނެ ރައީސަކީ އިރާދަކުރެއްވިއްޔާ އަޅުގަނޑު،" ޢުމަރު ވިދާޅުވިއެވެ.
ރައީސް ޢަބްދުﷲ ޔާމީންގެ ސަރުކާރުގެ ހޯމް މިނިސްޓަރަކަށް ޢުމަރު ހުންނެވިއިރު އޭނާ ވަނީ ރާއްޖޭގައި މަރުގެ ޙުކުމް ތަންފީޒު ކުރައްވަން ވަރަށް މަސައްކަތް ކުރައްވައިފައެވެ. އެގޮތުން އެކަމަށް ބޭނުންވާ ތަނާއި ސާމާނު ހަމަކޮށް މާފުށީ ޖަލުގައި ވަނީ ތައްޔާރު ކޮށްފައެވެ. ޢުމަރު އިސްތިއުފާ ދެއްވުމަށްފަހު ވެސް އެކަން ކުރައްވާނެ ކަމަށް ފަހުން ވަޑައިގެންނެވި ހޯމް މިނިސްޓަރު ޢަޙުމަދު އަޒުލީން ވިދާޅުވިއެވެ. އެހެންނަމަވެސް ރައީސް ޔާމީންގެ ސަރުކާރުގެ ފަސް އަހަރު ނިމިގެންދިޔައިރު ވެސް އެކަމެއް ނުކުރެއްވުނެވެ.
ކަލޭއަށް ރައީސްކަން ލިބެން އެބައުޅޭތައް.
ޢުމަރަކަށް ތިކަމެއްނުވާނެ. އެއީ ޢޫމަރަކީ މިޤައުމުގެ ރައީސްކަމަށް އާދެވޭނެ މީހެއްހެންނެއް ހިއެއްނުވޭ. ޟި ޤައުމުގައި މަރުގެ ޙުކުމް ތަންފީޛު ކުރާވަރަށްވުރެ ޝަރުޢީ ނިޒާމު ވަނީ ދޯހަޅިވެފައި. މަރުގެ ޙުކުމ ތަންފީޛު ކުރާނީ ޝަރުޢީ ނިޒާމު ހަރުދަނާ ކޮށްފައޭ ޢުމަރުބުނިނަމަ އެބުނި ބަހެއްގެ އޮއްޓަރެއްހުރީސް. ޢުމަރަކީ މަތިމަތިން ފެއިލްވެފައި ހުރި މީހެއް. ޖަލުގައި އޮތްމީހެއްގެ މައިބަދަ ބިންދާލާފައިވާކަމުގެ ތުހުމަތުވެސް ކުރެވޭ މީހެއް. ޢުމަރަކީ އަދި މި ޤައުމުގެ ރައީސްކަން ކުރަން ކުފޫ ހަމަވާމީހެއްނޫން. ރަނގަޅުވާނީ މާ އަނގަ ގަދަނުކޮށް މަޑުން ހުރިއްޔާ.
ގާނޫނުލް އުގޫބާތުގައި މިހާރުވެސް އޮންނަނީ މަރަށް މަރު. އެހެންވީމާ އެ ހުކުމް ރާއްޖޭގައި އެބަ އޮތް. ކޯޓުތަކުން އަބަދުވެސް އެގޮތަށް ހުކުމް ކުރޭ. އެކަން ތަންފީޒު ނުކުރާކަން.
އެކަމަކު ރިބާ މަނާ ކުރާ ގާނޫނެއް ނެތް. ވައްކަން ކޮށްގެން އަތް ކަޑަން ބުނާ ގާނޫނެއް ނެތް. ރަޖަމުކުރަން ބުނާ ގާނޫނެއް ނެތް. ރާލާ އޫރުމަހާ އެތެރެކޮށް ވިއްކާ! އޮރިޔާން ނިވާކޮށް މަގުމަތީ އުޅެވޭ. ދެން ކޮން ދީނެކޭ ދީނެކޭ މިކިޔަނީ؟ ދީނުގައި އޮތީ މަރަށް މަރު ހިފަން އެކަނިތަ؟ ދެން ބާކީ ހުރި ކަންކަމޯ؟
މިހާރު މި އޮތް ޖިނާއީ އަދުލުގެ ނިޒާމުގައި އެއްދުވަހު ޓެރަރިސްޓުން ކަމަށް ހަދާ މީހުންނަށް އިއްވާ ހުކުމް އަނެއް ދުވަހު ހަމަ އެ ކޯޓުތަކުން އެދަނީ ގޯސްކަމަށް ބުނެ ބަދަލު ވަމުން. މިވަރުގެ ބަޔަކު ކުރާ މަރުގެ ހުކުމެއް ތަންފީޒު ކުރަން ހެޔޮނުވާނެ.