ޖުމްލަ ސަތޭކަ ފަސްދޮޅަސް އަށެއް ޕޮއިންޓް އަށެއް މިލިއަން ރުފިޔާ ޚަރަދުކޮށްގެން ކުރިއަށްގެންދާ އައްޑޫސިޓީފޭދު ބިން ހިއްކުމުގެ މަސައްކަތް ނިމިއްޖެއެވެ.
ހައުސިން މިނިސްޓަރ ޑރ.މުހައްމަދު މުއިއްޒު ކުރެއްވި ޓްވީޓެއްގައި ވަނީ "ރައީސް ޔާމީންގެ އިސްނެންގެވުމުގެ މަތިން އަތޮޅު ތެރޭގައި ސަރުކާރުން ހިންގަވާ ތަރައްގީގެ މަޝްރޫއުތަކުގެ ތެރެއިން އައްޑޫސިޓީ ފޭދޫގައި ކުރިއަށްދިޔަ ބިން ހިއްކުމުގެ މަސައްކަތް މިހާރު ނިމިއްޖެ." ކަމަށެވެ.
މިމަހުގެ ދިހަ ވަނަ ދުވަހު ފެށި މި މަޝްރޫއުގެ ދަށުން ފަންސާސް ހެކްޓަރުގެ ބިން ފޭދޫއިން ހިއްކާފައިވެއެވެ.
މި މަސައްކަތް ކޮށްފައިވަނީ ދުބާއީގެ ޕާމް އައިލެންޑް އަދި ނެދަލޭންޑްސްގެ ކުންފުންޏެއް ކަމަށްވާ، ވަން އޫޑް ނަމަކަށް ކިޔާ ކުންފުންޏަކުންނެވެ.
ފޭދޫ ބިން ހިއްކުމުގެ މަޝްރޫއަށް ޖުމްލަ ސަތޭކަ ފަސްދޮޅަސް އަށެއް ޕޮއިންޓް އަށެއް މިލިއަން ރުފިޔާ ޚަރަދުވެގެންދާއިރު އެ މަސައްކަތަށް މި އަހަރުގެ ސަރުކާރުގެ ބަޖެޓުގައި ކަނޑައަޅާފައި ވަނީ އަށްޑިހަ އަށެއް ޕޮއިންޓް އަށެއް މިލިއަން ރުފިޔާއެވެ.
ފޭދޫގައި ބިން ހިއްކުމުގެ މަޝްރޫއުގެ ދަށުން ސޯޅަސް ސަތޭކަ އަށްޑިހަ މީޓަރުގެ ސަރަހައްދެއްގައި ބޮޑުހިލަ ޖަހާނެކަމަށް ހައުސިން މިނިސްޓްރީން ވަނީ ވިދާޅުވެފައެވެ.
