އިނގިރޭސި ޕްރިމިއަލީގުގައި ރޭ ލިވަޕޫލާއި ޗެލްސީ ބައްދަލުކުރި މެޗު އެއްވަރުވެއްޖެއެވެ.
ލިވަޕޫލުގެ އަމިއްލަ ދަނޑުގައި ރޭ ކުޅުނު މެޗުގެ ފުރަތަމަ ލަނޑެއްޖަހައި ކުރިހޯދީ، ޗެލްސީންނެވެ. އެއީ މެޗުގެ 32 ވަނަ މިނެޓުގައި ހަޒާޑް ކާމިޔާބުކޮށްދިން ލަނޑުންނެވެ. މިނަތީޖާއާއެކު މެޗުގެ ފުރަތަމަހާފް ނިމުނީ 1 – 0 ގެ ނަތީޖާއަކުން ޗެލްސީ ކުރީގައި އޮވެގެންނެވެ.
އެހެންނަމަވެސް ދެވަނަހާފުގައި ލިވަޕޫލްއިން ވަނީ ލަނޑެއްޖަހައި ނަތީޖާ ހަމަހަމަކޮށްފައެވެ. މިލަނޑު އެޓީމަށް ކާމިޔާބުކޮށްދިނީ، މެޗުގެ އެންމެ ފަހު މިނެޓުގައި ކްރިސްޓިއަން ބެންޓެކް އެވެ.
