ގެއްލިފައިވާ ނޫސްވެރިޔާ، އަހްމަދު ރިޟްވާން ވަނީ ނިޔާވެފައި ކަމަށް ރައީސް ޔާމީން މިއަދު ވިދާޅުވެއްޖެއެވެ.
ގދ. މަޑަވެއްޔަށް ވަޑައިގެން އެރަށުގެ ރައްޔިތުންނާ ބައްދަލު ކުރައްވައި ދެއްކެވ ވާހަކަފުޅުގައި ރައީސް ޔާމީން ވިދާޅުވީ ރިޟްވާން ނިޔާވެފައިވާ ކަމާމެދު ޝައްކެއް ނެތް ކަމަށެވެ.
"މިނިވަން ނޫހުގެ ނޫސްވެރިއަކަށް އުޅުނު ރިޟްވާން ވަނީ ނިޔާވެފައި. ޝައްކެއް ވެސް ނެތް. އެއީ ވަރަށް ހިތާމަވެރި ކަމެއް،" ރައީސް ވިދާޅުވިއެވެ.
ރައީސް ވިދާޅުވީ ރިޟްވާން ގެއްލުމުގެ މައްސަލަ ކެބިނެޓުގެ ފެންވަރުގައި ބަލަން ކެބިނެޓަށް ހުށަހެޅުއްވުމުން ރައީސް އެކަމަށް ދެކޮޅު ހެއްދެވި ކަމަށް އެމަނިކުފާނުގެ ކުރީގެ ނާއިބު ރައީސް އަހުމަދު އަދީބު ވިދާޅުވި ވިދާޅުވުކީ ކަނޑައެޅިގެން ދޮގެއް ކަމަށެވެ.
އޭރު ތިއްބެވި ވަޒީރުން މިހާރުވެސް އެބަތިއްބެވި ކަމަށާއި އަދީ އެހެއްދެވީ ކަނޑައެޅިގެން ބުހުތާން ދޮގެއް ކަމަށް ވެސް ރައީސް ވިދާޅުވިއެވެ.
ރިޟްވާން ގެއްލިފައިވަނީ 2014 ވަނަ އަހަރު، އޮގަސްޓް މަހުގައެވެ. ރިޟްވާންގެ މައްސަލައިގައި ބަންދުކުރި ދެމީހުންގެ މައްޗަށް ދައުވާ ސާބިތު ނުވުމުން ކޯޓުންވަނީ އެދެމީހުން ދޫކޮށްފައެވެ.
