ރާއްޖޭގެ އުއްތަމަ ފަނޑިޔާރުގެ މަގާމް ހުސްވެފައިވާތީ އެމަގާމަށް ސްޕްރީމް ކޯޓުގެ ފަނޑިޔާރު ޑރ. އަހުމަދު އަބްދުﷲ ދީދީ އައްޔަން ކުރަން ރައްޔިތުންގެ މަޖިލީހުން މިރޭ ފާސްކުރައްވައިފިއެވެ..
އޭގެ އިތުރަށް ހައިކޯޓުގެ މިހާރުގެ އިސް ފަނޑިޔާރު އަބްދުﷲ ދީދީއައި، އެކޯޓުގެ ފަނޑިޔާރު އަބްދުލްޣަނީ މުހައްމަދު ވެސް ސްޕްރީމް ކޯޓަށް ބަދަލުކުރުމަށް މިރޭ ވަނީ ފާސް ކުރައްވައިފިއެވެ.
އެ ތިން ބޭފުޅުންނަށް މަޖިލީހުން ރުހުންދީފައިވަނީ ވޯޓުގައި ބައިވެރިވެ ވަޑައިގެންނެވީ 36 މެންބަރުންގެ އިއްތިފާގުންނެވެ.
އުއްތަމަ ފަނޑިޔާރަކަށް ކުރިން ހުންނެވީ އަބްދުﷲ ސައީދަށް އެމަގާމު ގެއްލުނީ ގާޒީންތަކެއްގެ މައްޗަށް ނުފޫޒު ފޯރުވުމަށް މަސައްކަތް ކުރެއްވިކަން ދަށުކޯޓުން ނިންމެވުމުން އިސްތިއުނާފުގެ މަރުހަލާގައި ސްޕްރީމް ކޯޓުން ވެސް އެއަށް ތާއިދު ކުރައްވައި ހުކުމް ދެމެހެއްޓެވުމުންނެވެ.
