އަޔުޝްމަން ކުރާނާ އަކީ ބޮލީވުޑްގެ ތަރީންގެ ތެރެއިން ފާހަގަ ކޮށްލެވޭ ފަންނާނެކެވެ. އެނާ އަކީ ފިލްމީ ތަރިއެއްގެ އިތުރުން ލަވަ ކިޔުމާއި ޝޯ ހުށަހަޅާ މީހެކެވެ. ޕާނީ ދާ ރަންގް އާއި ނަޒުމް ނަޒުމް އަދި މިއްޓީ ދި ޚުޝްބޫ އަކީ އޭނާގެ ބައެއް ހިޓް ލަވަތަކެވެ.
ބެލުންތެރީންނަށް އަޔުޝްމަން ދެން އެންމެ އަވަހަށް ފެންނާނީ ލޯފަން މިއުޒީޝަނެއްގެ ގޮތުގައެވެ. ލަވަ ކިޔުމަކީ އޭނާ އަށް އުނދަގޫ ކަމަކށް ނުވިޔަސް ލޯފަން މިއުޒީޝަނެއްގެ ބައި ކުޅެން އޭނާ އަށް އެހާ ފަސޭހަ ނޫނެވެ. "އަހަރެން ލަވަ ކިޔަން. އަހަންނަށް މިއުޒިކް އެނގޭ، ގިޓާ ކުޅެން އެނގޭ. އެކަމަކު ޕިޔާނޯ ކުޅެން ދަސްކުރާކަށް އެހާ ފަސޭހައެއް ނުވި. އެކަމަށް އަހަރެން ވަރަށް ގިނަ ވަގުތު ހޭދަ ކުރިން." އަޔުޝްމަން ބުނެފައިވެއެވެ.
ލޯފަން މިއުޒީޝަނެއްގެ ފިލްމަކީ ސިރަމް ރާގަވަން ޑައިރެކްޓެ ކުރާ ފިލްމެކެވެ. މި ފިލްމަކީ ރާގަވަން އާ އެކު އަޔުޝްމަން މަސައްކަތް ކުރާ ފުރަތަމަ ފިލްމެވެ. އަޔުޝްމަން ބުނެފައިވާ ގޮތުގައި ރާގަވަން ގެ ފިލްމުތަކުގައި ތަރީންގެ ފަރާތުން ގިނަ ކަންތައްތަކަކަށް އޭނާ އަބަދުވެސް އުއްމީދު ކުރެއެވެ. މި ފިލްމުން އަޔުޝްމަންގެ އެކްޝަން މަންޒަރު ތަކެއް ވެސް ފެނިގެންދާނެއެވެ. މީގެ ކުރީން އެއްވެސް ފިލްމެއްގައި އޭނާ އެކްޝަން މަންޒަރެއް ކުޅެފައި ނުވެއެވެ.
މި ފިލްމުގެ ނަމަކީ 'ޝޫޓް ދަ ޕިއާނޯ ޕްލެޔަރ' އެވެ. ފިލްމުގައި ލީޑް ރޯލު ކުޅޭ އެހެން ތަރިންނަކީ ތާބޫ އާއި ރާދިކާ އާޕްތޭ އެވެ.
މައުލޫމާތު ނެގީ އިންސްޓެގރާމް އިން
