ފެނަކައިގެ ކުރީގެ އެމްޑީ އަހްމަދު ސައީދަށް ހާޓް އެޓޭކެއް ޖެހިއްޖެއެވެ.
އޭނާ އަށް ހާޓް އެޓޭކެއް ޖެހުނީ މިދިޔަ އަޟްހާ އީދު ބަންދުގެ ތެރޭގައި ކަަމަށް ރާއްޖޭގެ ބައެއް ނޫސްތަލުގައި ވަނީ ބުނެފައެވެ. އަދި އޭނާ އަށް އިތުރު ފަރުވާ ދިނުމަށް ސްރީލަންކާ އަށް ގެންގޮސްފައިވާ ކަމަށް ވެސް ބުނެފައި ވެއެވެ.
މީގެ އިތުރުން ސައީދުގެ ހާލު މިހާރު ސީރިއަސްވެފައިވާ ކަމަށް ވަނީ މައުލޫމާތު ލިބިފައެވެ.
ސައީދަކީ ޑިސެންބަރު 16، 2018 އިން ފެށިގެން މިދިޔަ ނޮވެމްބަރު މަހުގެ 17 ގެ ނިޔަލަށް ފެނަަ ކޯޕަރޭޝަންގެ އެމްޑީގެ މަގާމު އަދާކުރައްވާފައިވާ ފަރާތެކެވެ. އޭނާ ވަނީ މިދިޔަ އޭޕްރީލް މަހުގައި ބޭއްވި ރައްޔިތުންގެ މަޖިލިހުގެ އިންތިހާބުގައި އެމްޑީޕީގެ ޓިކެޓުގައި ގައްދޫ ދާއިރާ އަށް ވެސް ވާދަކުރައްވާފައެވެ. އެކަމަކު، އެ އިންތިހާބުގައި އޭނާ އަށް ވަނީ ނާކާމިޔާބީއާ ކުރިމަތިވެވަޑައިގެންފައެވެ.
