ވ. ފެލިދޫ ދާއިރާގެ ކުރީގެ މަޖިލިސް މެމްބަރު ޔޫސުފް ނައީމުގެ މައްސަލަ އަލުން ބަލަން ހައިކޯޓުން ހުކުމްކޮށްފިއެވެ.
ހައިކޯޓުން ބުނީ ދަށު ކޯޓުގެ ހުކުމުގައި ބޮޑެތި ގޯސްތަކެއް ހުރިކަން ފާހަގަކުރެވޭ ކަމަށާއި ކްރިމިނަލް ކޯޓުން ކުރި ހުކުމް ބާތިލުކޮށްފައިވާ ކަމަށެވެ.
ޔޫސުފް ނައީމްގެ ފަރާތުން ހައިކޯޓުގައި ވަނީ މައިގަނޑު ހަތަރު އިސްތިއުނާފީ ނުކުތާއެއް ފާހަގަކޮށްފައެވެ.
އެގޮތުން، ދަށު ކޯޓުގެ ހުކުމަކީ ގާނޫނީ އިމުގެ ބޭރުންކޮށްފައިވާ ހުކުމެއް ކަމަށް ވެސް ހައިކޯޓުގައި މައްސަލަ ބެއްލެވި ތިން ފަނޑިޔާރުން އިއްތިފާގުވި ފަނޑިޔާރު ހަސަން ޝަފީއުގެ ރައުޔުގައި ފާހަގަކުރައްވާފައިވެއެވެ.
އެ މައްސަލައިގައި ބޮޑެތި ގޯސްތަކެއް ހުރިކަން ފާހަގަކޮށް ހައިކޯޓުގައި މައްސަލަ ބެއްލެވި ފަނޑިޔާރުންގެ ބެންޗުން އިއްތިފާގުވެފައިވަނީ އެ މައްސަލަ އަލުން ބަލަން ކްރިމިނަލް ކޯޓަށް ތަހުވީލުކުރާށެވެ. އެހެންވެ، އެ މައްސަލަ ދަށު ކޯޓުގައި އަލުން ބަލަން ޖެހޭނެއެވެ.
އެހެންވެ، ޔޫސުފް ނައީމް ރިޝްވަތުގެ ގޮތުގައި ޔާމީނަށް ދިން ކަމަށް ބުނި އެއް މިލިއަން ޑޮލަރަކީ ރިޝްވަތު ކަމަށް އެކަށިގެންވާ ސަބަބުގެ މައްޗަށް ބިނާކޮށް އެނގެން ނެތް ކަމަށް ވަނީ ހުކުމްކޮށްފައެވެ.
