ރާއްޖޭގެ ތަރައްގީ އާއި ގުޅޭ 20 އެއްބަސްވުމެއްގައި ޗައިނާ އާއެކު ސޮއިކޮށްފިއެވެ.
މި އެއްބަސްވުންތަކުގައި ސޮއިކޮށްފައިވަނީ ޗައިނާގެ ރައީސް ޝީ ޖިން ޕިންގެ ދައުވަތަކަށް ރައީސް ޑރ. މުހައްމަދު މުއިއްޒު ޗައިނާއަށް މިހާރުކުރައްވަމުން ގެންދަވާ ދަތުރުފުޅުގެ ތެރެއިންނެވެ.
ސޮއިކުރެވުނު އެއްބަސްވުންތަކުގެ ތެރޭގައި އެކްޝަން ޕްލޭން އޮން ޗައިނާ މޯލްޑިވްސް ކޯޕަރޭޓިވް ޕާޓްނަރޝިޕް އާއި އެކްސްޗޭންޖް އޮން ކޯޕަރޭޝަން އޮން އިކޮނޮމިކް ޑިވޮލަޕްމަންޓް ޕޮލިސީ، ބެލްޓް އެންޑް ރޯޑް ކޯޕަރޭޝަން އެންޑް ޑިޖިޓަލް އިކޮނޮމިކް ކޯޕަރޭޝަން އެންޑް ބްލޫ ޕާޓްނާޝިޕް އެއްބަސްވުމެއް ހިމެނެއެވެ. އަދި ގްރީން އެންޑް ލޯ ކާބަން ޑިވޮލަޕްމަންޓް އެންޑް ބްލޫ އިކޮނޮމިކް ކޯޕަރޭޝަންގެ އެއްބަސްވުމަކާއި ޑިޒާސްޓަރ ރިސްކު ރިޑަކްޝަން އެންޑް އިންވެންޓްމަންޓް އޮން ގްރީން ޑިވޮލަޕްމަންޓް އެއްބަސްވުމެއް ވެސް ހިމެނެއެވެ.
މީގެ އިތުރުން އެއްގެ އިތުރުން ޓެކްނިކަލް ކޯޕަރޭޝަން އެންޑް އެގްޒިޓް އޮފް ޕްލާންޓް އެންޑް އެނިމަލްސް/ އިންވެސްޓްމަންޓް އޮން ޑިޖިޓަލް އިކޮނޮމީ އަދި އެގްރިކަލްކާ ކޯޕަރޭޝަން، އެމްއޯޔޫ އޮން ލެބް އިކުއިޕްމަންޓްސް އެންޑް އެމްއޯޔޫ އޮން ހިއުމަން ރިސޯސް ޑިވޮލަޕްމަންޓްގެ އެމްއޯޔޫއެއްގައި ރާއްޖެއާއި ޗައިނާއާ ދެމެދު ވަނީ ސޮއިކޮށްފައެވެ. އަދި ޓޫރިޒަމް ކޯޕަރޭޝަން އަދި ސޯޝަލް ހައުސިނާއި ނިއުސް ކޯޕަރޭޝަން/ އެކްސްޗޭންޖް އޮފް ލެޓާސް އޮން ކޮކޮނަޓް ޕެސްޓް ކޮންޓްރޯލް އަދި އެމްއޯޔޫ އޮން މީޑިއާ ކޯޕަރޭޝަންގެ އެމްއޯޔޫއެއްގައި ވެސް މިއަދު ވަނީ ސޮއިކޮށްފައެވެ.
ރައީސް ޑރ. މުއިއްޒު ޗައިނާއަށް ކުރައްވާ ރަސްމީ މި ދަތުރުފުޅުގައި ދިވެހިރާއްޖެއާއި ޗައިނާއާ ދެމެދު ރަސްމީ ވާހަކަފުޅުތައް ދެއްކެވުމަށް ހަމަޖެހިފައިވާއިރު، މި ދަތުރުފުޅުގައި ރައީސް ޗައިނާގެ ބައެއް ވިޔަފާރިވެރިންނާ ބައްދަލުކުރައްވައި ދިވެހިރާއްޖެއާއި ޗައިނާއާ ދެމެދު އިޖުތިމާއީ އަދި އިގުތިސޯދީ ގުޅުން ބަދަހި ކުރުމަށް މަޝްވަރާ ކުރެއްވުމަށްވެސް ވަނީ ހަމަޖެހިފައިވެއެވެ.
