ރ. ރީތިފަރު ރިސޯޓުން ކުނި ހިފައިގެން ތިލަފުށްޓަށް ދަތުރުކުރި ދޯންޏެއްގައި ރޯވެ ވަރަށްބޮޑަށް ގެއްލުންވެއްޖެއެވެ.
އެމް 2 ނަމަކަށްކިޔާ، 85 ފޫޓުގެ ދޯނޫގައި ރޯވިއިރު އޭގައި 3 ދިވެހީންނާއި ބިދޭސީއަކު ހުއްޓެވެ. ހާދިސާ ހިނގުމާއެކު އެ 4 މީހުންވަނީ ކަނޑަށް ފުންމާލައިގެން ގޮސް އެސަރަހައްދުން ދަތުރުކުރަމުންދިޔަ އެޕޯލޯ ހޯލްޑިންގ ޕްރައިވެޓް ލިމިޓެޑް ދޯންޏަކަށް އަރައިފައި ކަމަށް އެމްއެންޑީއެފުން ވިދާޅުވިއެވެ.
އެ ހާދިސާގެ މައުލޫމާތު އެމްއެންޑީއެފަށް ލިބިފައިވަނީ މިއަދު ހެނދުނު 11:15 އެހައިކަންހާއިރުއެވެ. އެހިސާބުން ފެށިގެން އެމްއެންޑީއެފް ސިފައިންވަނީ އެކަމުގައި ހަރަކާތްތެރިވާން ފަށައިފައެވެ.
އެމްއެންޑީއެފް ފަޔަރ އެންޑް ރެސްކިއު ސަރވިސް ޓީމަށް އެދޯނީގެ އަލިފާން ނިއްވައިލެވިފައިވަނީ މިއަދު މެންދުރު 14:05 އެހައިކަންހާއިރުއެވެ. ފުލުހުން މިހާރު ގެންދަނީ އެ ހާދިސާ ތަހުގީގު ކުރަމުންނެވެ.
