އިނގިރޭސި ބޮޑުވަޒީރު ރިޝީ ސުނަކުއަކީ ، ޣައްޒާއަށް އިޒްރޭލުން ބޮންއަޅަންފެށިފަހުން ، އެކަމަށް ހިތްވަރުދީ ، ޣައްޒާގެ ރައްޔިތުން ޝަހީދުކުރުމަށް ބާރުއެޅުމަށް ، އިޒްރޭލަށްދިޔަ ، މުސްލިމުންގެ ދެވަނަ ޢަދުއްވެވެ. އެންމެފުރަތަމަ އެކަމަށް ބާރުއަޅަން އިޒްރޭލަށް ދިޔަ ޢަދުއްވަކީ އެމެރިކާގެ ރައީސް ބައިޑެންއެވެ. މުސްލިމުންގެ މި ދެ ޢަދުއްވުންނަކީ ، އިޒްރޭލް އުފެއްދުމުގައި ދުނިޔެ އެއްބަސްވިގޮތަށް ، ފަލަސްތީނުގެ ބިމުގައި ދެ ދައުލަތެއް އުފެއްދުމަށް 1948 ގައި އެއްބަސްވި އެއްބަސްވުމާ ޚިލާފަށް ފަލަސްތީނުގެ ރައްޔިތުންނަށް ދައުލަތެއް އުފެއްދުމަށް ފުރުޞަތުނުދީ ، އިޒްރޭލަށް އެފުރުޞަތުދިން މޭސްތިރިން ކަމުގައިވާ އެމެރިކާއާއި އިނގިރޭސިވިލާތުގެ ދެ ވެރިންނެވެ.
ޣައްޒާގެ އަލްއަހުލީ ހޮސްޕިޓަލަށް އިޒްރޭލުން ބޮންއަޅައި ، ފަލަސްތީނުގެ ފަސްސަތޭކައެއްހާ ރައްޔިތުން ޝަހީދު ކޮށްލީ މިމަހުގެ 17 ވަނަ ދުވަހުއެވެ. ބައިޑެން އިޒްރޭލަށް ދިޔައީ މިމަހުގެ 18 ވަނަ ދުވަހުއެވެ. ސުނަކަށް ނުހުރެވިގެން އިޒްރޭލަށް ދިޔައީ މިމަހުގެ 19 ވަނަ ދުވަހުއެވެ. ދެމިހުންވެސް އިޒްރޭލަށް ދިޔައީ ، އިޒްރޭލުގެ ޢުދުވާނީ ޙަމަލާގެ ހޫނުކަން ނުފިލާ އޮއްވައި އެކަކު އެއްދުވަސްފަހުން ، އަނެކަކު ދެދުވަސްފަހުންނެވެ. ދެމީހުންވެސް އިޒްރޭލަށްގޮސް ކުރީ އެއްކަމެކެވެ. ޣައްޒާއަށް ބޮންއަޅައި ، ފަލަސްތީނުގެ ނިކަމެތި ރައްޔިތުން ޝަހީދު ކުރުމަށް ހިތްވަރުދިނީއެވެ. މިމަހު 7 ގައި ޙަމާސްއިން ދިންޙަމަލާގައި އިޒްރޭލުން މަރުވި ޔަހޫދީންނަށް ހަމްދަރުދީ ފާޅުކޮށް ، އިޒްރޭލުގެ ބޮލުގައި ފިރުމައި ، ޣައްޒާގައި ޝަހީދުވި ފަލަސްތީނު މުސްލިމުންގެ ނަންވެސް ގަނެ ނުލައެވެ. ދެމީހުންކުރެ އެކެއްގެވެސް ، އިންސާނިއްޔަތުކަމުގެ ކުޑަވެސް ކަންފުޅެއް ނެތެވެ. ވާނީވެސް އެހެންނެވެ. އެހެނީ ، އިޒްރޭލަކީ ، އެމެރިކާއަށް އިނގިރޭސީންގެ ފަރާތުން ލިބިފައިއޮތް ހަރާންދަރިއެކެވެ. ހަނގުރާމައިގެ ހޫނުކަންމަތީ ، ދެމީހުންވެސް އަވަސްވެގަތީ ، އިޒްރޭލަށްގޮސް ، ދެމީހުންނަށް ލިބިފައިވާ ހަރާންދަރީގެ ބޮލުގައި ފިރުމައި މެޓާދީ ، ދުނިޔޭގެ ޤާނޫނުތަކާދެކޮޅަށް ޢުދުވާން ހިންގުމަށް ހިތްވަރު ދިނުމަށެވެ.
ބައިޑެންއަކީ ، އަނިޔާވެރިކަން އިންތިހާއަށް ގޮސްހުރި މީހެކެވެ. ޣައްޒާގެ ނިކަމެތި ރައްޔިތުންނަށް ، އިންސާނީ އެހީ ފޮނުވަން ، އދ ގެ ސަލާމަތީ މަޖިލީހުން ފާސްކުރި ޤަރާރުވެސް ބައިޑެންވަނީ ވީޓޯ ކޮށްފައެވެ. ބޯފެނާއި ކާބޯތަކެއްޗާ އަދި ކަރަންޓާއި ބޭސް ހުސްވެ ، ބަނޑަށް ޖެހިފައިވާ 2 މިލިއަނަށްވުރެ ގިނަ މުސްލިމުން ޣައްޒާއިން ބޭރުވިޔަނުދީ ، އިޒްރޭލުން ތާށިކޮށްފައި އެބަތިއްބެވެ. ފަލަސްތީނުގެ ނިކަމެތިން ، މިޙާލުގައި ދިރިއުޅެމުންގެންދާތާ މިހާރު 75 އަހަރު ވެއްޖެއެވެ. 1948 ގައި ދައުލަތެއްގެ ގޮތުގައި އިޒްރޭލު އުފެދުނުއިރުވެސް ، ފަލަސްތީނުން ފޭރިގެންފައިވާ ބިންތަކާއި ޣައްޒާގައި ، ފަލަސްތީނުގެ ޒިންމާދާރު ވެރިކަމެއް ޤާއިމްކުރެވިފައި އޮތެވެ. އެހެންނަމަވެސް ، އެވެރިކަން ހުއްޓުވައި ފަލަސްތީނުގެ ރައްޔިތުން އެތަނުން ގަދަކަމުން ބޭރުކޮށް ، ބިންތައް ހިފައި ، ދުނިޔޭގެ އެތަން މިތަނުން ޔަހޫދީން ގެނެސް ވަޒަންވެރި ކުރުވައި އިޒްރޭލަކީ މެދުއިރުމަތީގައި ، ބާރުގަދަ ދައުލަތެއްގެ ގޮތުގައި ހިންދެމިލާން ދުނިޔޭގެ ޤާނޫނުތަކާޚިލާފަށް ، ބޮނޑިބަތް ކައްކައިދިނީ އެމެރިކާއާއި ޔަހޫދީންނެވެ. ހަރާން ދަރިއަށްޓަކައި ، އެމެރިކާއާއި އިނގިރޭސީން ނުކުރާނެ ކަމެއް ނޯންނާނެއެވެ.
ހަރާންނަމަވެސް ދަރިއެއްގެ ގާތަށް ބަފާދިޔައިމަ އަމަޔަށް ނޯވެވިގެން ދެބަފައިންގާތަށް ދާހެން ، އެމެރިކާ އިޒްރޭލަށް ދިޔައިމަ ، ފަހަތުން އިނގިރޭސިވިލާތުންވެސް އިޒްރޭލަށް ދިޔައެވެ. އިނގިރޭސި ބޮޑުވަޒީރު ރިޝީ ސުނަކް އަކީ ، އިންޑިއާގެ ޕަންޖާބުން އީސްޓް އެފްރިކާއަށް އަދި އޭގެފަހުން އިނގިރޭސިވިލާތަށް ހިޖުރަކުރި އިންޑިއާ ނަސްލުގެ ދެމަފިރިޔަކަށް ލިބިފައިހުރި ދަރިއެކެވެ. ސުނަކްއަކީ ، ކުރީގެ ބޮޑުވަޒީރު ބޮރިސް ޖޯންސަންއަށް ދޯކާދީފައި ، ސިޔާސީ މައިދާނުން ޖާގަހޯދި މަހުޖަނެކެވެ. ޖޯންސަން އާ ދެކޮޅަށް ތެދުވެ ، ދޯކާދީފައި ޙީލަތާއި މަކަރުވެރިކަމުގެ ރޭވުންތަކުން ، ކުރިޔަށް އަރައި ޖޯންސަންގެ މަޤާމު ހޯދީއެވެ. ޓެކްހާބެހޭ ކަރަޕްޝަނުގެ އެތައް ކަންތައްތަކެއް ، ސުނަކްގެ އަންހެނުންގެ ފަރާތުންވަނީ ފަޅާ އަރާފައެވެ. ސުނަކްގެ އަންހެނުންނަކީވެސް ސުނަކްފަދައިން މަހުޖަނެކެވެ.
ކޮންމެއަކަސް ، ޤައުމެއްގެ އަޅުވެތިކަމުގެ ހިތިރަހަ ، ސުނަކްގެ މައިންބަފައިންނަށް އޮންނާނީ ކޮށްފައެވެ. އިނގިރޭސީންގެ އަޅުވެތިކަމުގެ ދަށުގައި އިންޑިއާ އޮތްއިރު ، ސުނަކްގެ ބައްޕަ އުޅުނީ އިންޑިއާގެ ޕަންޖާބުގައެވެ. އެހެނަސް ، ސުނަކް އަކަށް އެހިތި ތަޖުރިބާތަކުގެ އަސަރެއް ނުކުރިއެވެ. 75 އަހަރުވަންދެން އިޒްރޭލުގެ އަޅުވެތުކަމުގައި ލާއިންސާނީ ޢަމަލުތަކާއި އަނިޔާ ތަޙައްމަލުކުރި ފަލަސްތީނުގެ ނިކަމެތި ރައްޔިތުންގެ ޙައްޤުގައި ، އިޒްރޭލަށްގޮސް ޗުއްޕުވެސް ބުނެނުލައެވެ. އޭގެ ބަދަލުގައި ފަލަސްތީނުގެ ރައްޔިތުން ޝަހީދުކުރަމުން އަނިޔާވެރިވަމުންދިޔަ އިޒްރޭލުން އެކަން ކުރިޔަށް ގެންދަން ދިނީ ހިތްވަރެވެ. ޖަނަވާރުންނަށް ހިތާހިތުންވެސް ޣައްޒާގެ ނިކަމެތި ރައްޔިތުންގެ މައްޗަށް ، ސުނަކްގެ ހިތަކު ނެތެވެ.
ބޮރިސް ޖޯންސަންގެ ވެރިކަމުގައި 2020 ވަނައަހަރު ، ޗާންސެލަރކަމުގެ މަޤާމު ސުނަކްއަށް ދިނެވެ. 2022 ގެ އެޕްރީލްމަހުގެ ތެރޭގައި ، ކޯވިޑްގެ ފުރަބަންދުގައި ބޮރިސް ޖޯންސަންއާއި ސުނަކްގެ ދެމަފިރިން ޕާޓީއެއް ބޭއްވުމާގުޅިގެން ، ޖޫރިމަނާ ކުރެވިފައި ވެއެވެ. ސުނަކް ، ކުރިން އުޅުނީ އެމެރިކާގައެވެ. " ގްރީންކާރޑް " ހިފައިގެންނެވެ. އިނގިރޭސިވިލާތަށް ހިޖުރަކުރީ ، އޮކްޓޯބަރ 2021 ގައި އިނގިރޭސިވިލާތުގެ ވަޒީރެއްގެ މަޤާމު ލިބުމާގުޅިގެންނެވެ. އިނގިރޭސި ބޮޑުވަޒީރުކަމަށް ސުނަކް އައީ އޮކްޓޯބަރ 2022 ގައެވެ. ސުނަކް އަކީ ރޭވުންތެރި ، ޙިކުމަތްތެރި ، މަކަރުވެރި ، ޙީލަތްތެރި ، ހިތްހަރު ، ބޮޑާ މީހެކެވެ. އިސްލާމުންގެ ޢަދުއްވެކެވެ.
މިމަހުގެ 19 ވަނަދުވަހު ، އިޒްރޭލަށްގޮސް ، އެތާނގެ ލާއިންސާނީ އަނިޔާވެރި ބޮޑުވަޒީރާއި ރައީސާ ، ސުނަކްވަނީ ބައްދަލުކޮށްފައެވެ. އިނގިރޭސި އެހެން ބޮޑުވަޒީރުން ފަދައިން ، އިޒްރޭލަށް ޖާނުންފިދާވާ އިނގިރޭސީންގެ ހެޔޮއެދުން ހިފައިގެން ގޮހެވެ. އެހެން މީހުންނަށްވުރެ ، ސުނަކް ހުރީ އެތައް ދަރަޖައެއް ކުރީގައެވެ. އެހެން މީހުންނަށް ދައްކަން ނުކެރޭކަހަލަ ވާހަކަ ސުނަކް ދެއްކިއެވެ. ދަރިންނަށްވެސް ދޭން އެހެންމީހުންނަށް ނުކެރޭ ކަހަލަ ނަސޭޙަތް ދިނެވެ.
ސުނަކް އިޒްރޭލަށްކުރި ދަތުރަކީ ، އިނގިރޭސިވިލާތުގެ ރައްޔިތުންނަށް މަލާމާތާއި ފުރައްސާރަ ރައްދުވި ދަތުރެކެވެ. އިނގިރޭސީންގެ އަޅުވެތިކަމުގެ ދަށުގައި ކުރިން އޮތް ، ދުނިޔޭގެ އެކި ކަންކޮޅުތަކުގައި ، އިނގިރޭސީންގެ އަނިޔާވެރިކަން ހަނދާންކޮށް ، ލަޢުނަތް ދިނުމަށް މެދުވެރިވި ސަބަބެކެވެ. އެމެރިކާއާއި އިނގިރޭސިވިލާތާ އަދި އިޒްރޭލާ ދެކޮޅަށް ، މުޅިދުނިޔޭގައި ކުރެވެމުންދާ މުޒާހަރާތަކުގައި އިނގިރޭސި ރައްޔިތުން ހިމެނިގެންދިޔަ ސަބަބެވެ. ޚުދު އިނގިރޭސިވިލާތުގެ ރައްޔިތުންވެސް ސުނަކްގެ ސަރުކާރަށް ނުރުހުން އަމާޒު ކޮށް މުޒާހަރާކުރަމުން އެބަ ގެންދެއެވެ. އިޒްރޭލަށްގޮސް އަނިޔާވެރިކަމުން ފުރިގެންވާ ލާއިންސާނީ ބޮޑުވަޒީރާ ބައްދަލުކޮށް ސުނަކް އެބުނި ވާހަކަޔަކީ ، ހަމަހަމަ ކަމާއި ޑިމޮކްރަސީއާ ޚިލާފަށް ، ވަކިފަރާތަކަށްޖެހި ، އިނގިރޭސިވިލާތުގެ ޢާންމު ރައްޔިތުންގެ ވިސްނުމާއި ފިކުރާ އިދިކޮޅަށް ބޭނުންކުރި ޙީލަތްތެރި ވާހަކައެކެވެ. ދުނިޔެ ޤަބޫލުކުރާ ހަމަތަކާއި ޤާނޫނުތައް މުގުރާލައި ، އަމިއްލަ އެދުމަށް ، ނަފުސުގެ އަޅަކަށްވެހުރެ ދިން ބަޔާންތަކެކެވެ.
އިނގިރޭސީންގެ ކުރީގެ ބޮޑުވަޒީރެއްކަމުގައިވާ މާގްރެޓް ތެޗަރއަކީ ، އިޒްރޭލާ ގާތް އަދި ހަނގުރާމައިގާ އިޒްރޭލަށް ވާގިވެރިވި ދަނގަޑު އަންހެނާގެ ނަމުން މަޝްހޫރުވި ، ހިލަހިތެއްގެ ވެރިޔެކެވެ. އިޒްރޭލުން ، ހަނގުރާމައިގެ ޙާލަތުގައި ހިންގާ ޢުދުވާނާ ދެކޮޅު ހެދުމަށް ތެޗަރ ފަހެއް ނުޖެހެއެވެ. އިޒްރޭލުން ހަނގުރާމައިގެ ކުށެއް ކޮށްފިއްޔާ އެވާހަކަ ބުނެއެވެ. އެތައްފަހަރަކު ، އެކަން ކޮށްފައި ވެއެވެ. ދަރިންނަކަސް ، ކުށެއްކުރީމާ ފިރުމާނީނޫންކަމާއި ، އެކުށުގެ ވާހަކަ ދަރިންގާތު ދައްކަންޖެހޭކަން ތެޗަރ އަށް އެނގެއެވެ. ސުނަކްއަކަށް އެވަރުވެސް ނޭނގުނެވެ. 1982 ގައި ، ބޭރޫތުގެ ޝާތީލާއާއި ޞަބްރާގެ ފޭލިގެތަކުގައި ބުލްޑޯޒަރ ބޭނުންކޮށްގެން ، ފަލަސްތީނުގެ ރެފިއުޖީން ޝަހީދުކުރި ޙާދިސާގައި ، އެއީ އިޒްރޭލުން ހިންގި ނާތަހުޒީބު ޤަތުލު ޢާންމެއްކަމަށް ، ތެޗަރ ބުނެފައި ވެއެވެ. އިޒްރޭލާއި ފަލަސްތީނާ ދެމެދު ، ދެފަރާތަށް ހަމަހަމަ ސިޔާސަތެއް ގެންގުޅެން ޖެހޭކަން ބަޔާންކޮށް ، އެމެރިކާގެ ކުރީގެ ރައީސް ރޮނަލްޑް ރޭގަންއަށް ސިޓީއަކުން ، ތެޗަރވަނީ އަންގާފައެވެ. ޙައްދެއްނެތި އިޒްރޭލަށް ތާއީދުކޮށް އެހީވުމަކީ ، މެދުއިރުމަތީގެ ޤައުމުތަކުގެ މަޞްލަޙަތު ގެއްލި ، ފަލަސްތީނު – އިޒްރޭލުގެ މައްސަލަ ގޯހުންގޯހަށް ބަދަލުވެގެންދާނެ ޙާލަތެއްކަން ، ރޭގަންއަށް އަންގާފައި ވެއެވެ.
ސުނަކް ، އިޒްރޭލަށް އިއްޔެ އެކުރި ދަތުރަކީ ، ތާރީޚީގޮތުންބަލާއިރު ، މާގްރެޓް ތެޗަރ ގެ ތަޞައްވުރު ހިފައިގެންކުރި ދަތުރެކެވެ. އެކަމަކު ކުރީކީ ، މާގްރެޓް ތެޗަރގެ ތަޞައްވުރުގައި އޮތްފަދަ ކަމެއްނޫނެވެ. ސުނަކް ހިތުން އޭނާއެކުރީ ވަރަށްމޮޅު ކަމެކެވެ. އެހެނަސް ، ސުނަކްގެ އެ ދަތުރަށް ދުނިޔެ އެދަނީ ލަޢުނަތް ދެމުންނެވެ.
ތާރީޚަށް ބަލާއިރު ، ތެޗަރ އިޒްރޭލަށްގޮސް ފައިބާނީ އޭނާގެ ދަބަސް އަނބުރަމުން ، ހިނތުންވަމުންނެވެ. 7 އޮކްޓޯބަރގައި ޙަމާސްއިންދިން ޙަމަލާއަށް ހިތާމަކޮށް ، އިޒްރޭލަށް ، ތެޗަރ ހަމްދަރުދީވާނެކަން ޔަޤީނެވެ. ހަމައެއާއެކު ، ލާއިންސާނީ ބޮޑުވަޒީރު ނަތަންޔާހޫއަށް ފިލާވަޅުވެސް ނަގައިދޭނެއެވެ. މަޔަކު ދަރިޔަކަށް ނުދޭ ނަޞޭޙަތް ދޭނެއެވެ. ބައިނަލްއަޤްވާމީ ޤާނޫނުތަކުގެމަތިން ހަނދާންކޮށްދީ ، އިންސާނިއްޔަތާއި އިންސާނީ ޙައްޤުތަކުގެމައްޗަށް ފިލާވަޅު ނަގައިދޭނެއެވެ. ދުނިޔޭގައި ނަންހިނގާ ޒަޢީމުންގެ ތަޞައްވުރަކީ ކޮބައިކަމާއި ، ވެރިކަން ލިބުނީމަ ކުރަންވީ ކަންކަމާއި ނުކުރަންވީ ކަންކަމުގެ މަތިން ހަނދާން ކޮށްދޭނެއެވެ. ކަންފަތުގައި ހިފައި ނަޞޭޙަތް ނުދީއެއް ނުހުންނާނެއެވެ. ސުނަކްހެން ، ބޮލުގައި ފިރުމާފައި ، ރުއްސާފައެއް ނާންނާނެއެވެ. ނަތަންޔާހޫގެ ފައިމައްޗަށް ތިރިވެ ، ބަލި ހިކަނދިގަނޑަކަށްވެގެން ސުނަކް ، އެއައީ މަލާމާތާއި ފުރައްސާރަ ހިފައިގެންނެވެ.
" އިނގިރޭސި ވިލާތުގެ ޙައްދެއްނެތް ، ޝަރުތެއްނެތް ތާއީދު " އިޒްރޭލަށް ދީފައި ސުނަކް އެނބުރި ޤައުމަށް އައިއިރު ، އިނގިރޭސި ރައްޔިތުން އެބުނަނީ ، ސުނަކް އެހެދީ ގޯހެއްކަމަށެވެ. ޣައްޒާގެ އަލްއަހުލީ ހޮސްޕިޓަލަށް އިޒްރޭލުން ބޮންއަޅައި އެތައް ސަތޭކަ ބަޔަކު ޝަހީދުކޮށްލި ޙާދިސާ ، އިނގިރޭސިވިލާތުން ކުށްވެރި ކުރުމަށެވެ. އެކަމެއް ސުނަކް ހަނދާނެއް ނެތެވެ.
ސުނަކްގެ ޢަމަލާއިބަހުން ، އެދެއްކީ ، މިވޭތުވެދިޔަ 13 ދުވަހު ، އިޒްރޭލުން މެދުނުކެނޑި ޣައްޒާއަށް ބޮންއަޅައި ، ހޮސްޕިޓަލްތައް ސުންނާފަތިކޮށް ، ސުކޫލްތަކާއި 2 މިލިއަނަށްވުރެ ގިނަމީހުން ދިރިއުޅޭ ގެދޮރު ބިމާ ހަމަކޮށް ، ޢާއިލާތައް ރޫޅާލައި ހަތަރުހާހަށްވުރެ ގިނަމީހުން ، އިޒްރޭލުން ޝަހީދުކޮށްލުން އެއީ އިނގިރޭސި ރައްޔިތުންބޭނުންވާ ގޮތް ކަމުގައެވެ. އެކަން އޮތީ އެހެން ނޫންކަން ޤައުމަށް އެނބުރި އައިތަނުން ސުނަކަށް ފެނިއްޖެއެވެ. އެމެރިކާގެ ރައީސް ބައިޑެންވެސް އިޒްރޭލަށްގޮސް ، އެނބުރި ޤައުމަށް އައިތަނުން ، ރައްޔިތުންގެ ނުރުހުމާ ކުރިމަތިލާންޖެހުނު ގޮތަށް ، ސުނަކްއަށްވެސް ޖެހުނީ ހަމަ އެހާލެވެ.
އެކަމުގައި ސުނަކް ކުރާނެ މާބޮޑުކަމެއްވެސް ނެތެވެ. ހަނގުރާމައިގެ ކުށްތަކަށް އަރައިގަނެ ، ފަލަސްތީނުގެ ރައްޔިތުންނަށް ލާއިންސާނީ އަނިޔާކުރަން އިޒްރޭލަށް ހިތްވަރުދިނުމަކީ ، ސުނަކް އާ ހިސާބުން ފެށުނުކަމެއްނޫނެވެ. އޭނާގެކުރިންހުރި މީހާ ބޮރިސް ޖޯންސަންވެސް އޮތީ އެކަން ކޮށްފައެވެ.
2021 ވަނައަހަރުގެ އެޕްރީލްމަހުގެ ތެރޭގައި ، އިނގިރޭސި ބޮޑުވަޒީރަކަށްހުރިއިރު ، އިޒްރޭލުގެ ކޮންޒަރވެޓިވް ރައްޓެހިންނަށް ސިޓީއެއް ފޮނުވިއެވެ. އިޒްރޭލުން ކޮށްފައިވާ ހަނގުރާމައިގެ ކުށްތަކަށް ދަޢުވާކުރުމަށް ، އިންޓްރނެޝަނަލް ކްރިމިނަލް ކޯޓަށް ހުށަހެޅިފައިވާ މައްސަލަތައް ހުއްޓުވައިދީ ، އެކަންކަން ބެލިޔަނުދޭނެކަމަށް ، އެސިޓީގައި ބޮރިސްޖޯންސަން ލިޔެފައި ވެއެވެ. 18 އޮކްޓޯބަރގައި ، ޣައްޒާގައި ބަނޑަށް ޖެހިފައިވާ ދެމިލިއަން މީހުންނަށް ، އިންސާނީ އެހީ ފޯރުކޮށްދިނުމަށް ގޮވާލައި ފާސްކުރި ޤަރާރަށް ވޯޓުނުދީ ، މަޖިލީހުގެ އެޖަލްސާގައި ބައިވެރިނުވުމަށް ، ސުނަކްވަނީ ، އިނގިރޭސި ސަފީރަށް އަންގާފައެވެ. އެޖަލްސާގައި ބައިވެރިނުވަނީ ރޫސީވިލާތުގެ އިތުރަށް އިނގިރޭސިވިލާތް އެކަންޏެވެ. އެޤަރާރުވެސްވަނީ އެމެރިކާއިން ވީޓޯ ކޮށްފައެވެ.
މީސްމީޑީއާއާއި އިނގިރޭސީންގެ ރައްޔިތުންގެ މަޖިލީހަށް ސުނަކް ދީފައިވާ ބަޔާންތަކާއި ދައްކާފައިވާ ވާހަކަތަކަށް ބަލާއިރު ، އިޒްރޭލަށް ޙަމާސްއިންދިން ޙަމަލާ ކުށްވެރިކުރިއިރު ، އިޒްރޭލުން ފަލަސްތީނަށް ދޭ ބޮމުގެ ޙަމަލާތައް ކުށްވެރިކޮށް އެވާހަކައިގެ ނަންވެސް ގަނެލާފައެއް ނުވެއެވެ. އޭގެ މާނަޔަކީ އިޒްރޭލުގެ ދިފާޢީ ވަޒީރު ބުނިގޮތަށް ، ޣައްޒާގައި އެއުޅެނީ އިންސާނީ ޙައިވާނުންކަމުގައި ، ސުނަކު ޤަބޫލުކުރުމެވެ. އަދި އިޒްރޭލުގެ އަނިޔާވެރި ބޮޑުވަޒީރު ނަތަންޔާޙޫއަށް ސުނަކު އެދިން މެސެޖަކީ ، " ބޮންއެޅުން ކުރިޔަށް ގެންދާށޭ " އެވެ.
އިޒްރޭލުގެ ދިފާޢީ ވަޒީރުންނަކީ ޢަންމުގޮތެއްގައި ލަދުޙަޔާތުގެ ކަންފުޅެއްވެސް ނުހުންނަ ، އަނިޔާވެރިކަން ޙައްދުފަހަނަޅާފައި ތިބޭ ވަލުޖަނަވާރުންފަދަ ، ލާއިންސާނީ ބަޔެކެވެ. އިޒްރޭލުގެ މިހާރުގެ ދިފާޢީ ވަޒީރު ގަލަންޓް އިޢުލާންކޮށްފައިވަނީ ، ޣައްޒާ އެއްކޮށް ޙިޞޯރުކުރުމުގެ ސިޔާސަތެކެވެ. " ކަރަންޓެއް ނުދެވޭނެއެވެ. ކާބޯތަކެއްޗާއި ފެނެއް ނުލިބޭނެއެވެ. ތެލެއްވެސް ނުލިބޭނެއެވެ. އިންސާނަކު ދިރިހުރުމަށްޓަކައި ، އަސާސީ އަދި ޟަރޫރީ ބޭނުންތަކަށް ބޭނުންވާ އެއްވެސް އެއްޗެއް ނުލިބޭނެއެވެ. " ގަލަންޓް ހާމަކުރި ބަޔާނުގައި ބުނެފައި ވެއެވެ. އެއީ ، ބައިނަލްއަޤްވާމީ ޤާނޫނުތައް މަނާކުރާ ކަންކަންކަމަށްވިޔަސް ، ޔަހޫދީ އިޒްރޭލުގެ ވެރިންނަށް ވަރިހަމައެވެ. އިޒްރޭލުން އެބުނާ " އިންސާނީ ޙައިވާނުން " ނާ ހަނގުރާމަކުރުމަކީ ، ސުނަކުގެ ސަރުކާރަށް މައްސަލައެއް ނޫނެވެ. ބައިޑެންވެސް ނަތަންޔާހޫގާޓު ބުނިގޮތަށް ، އިޒްރޭލަށް ފެންނަ އެންމެ ރަނގަޅުގޮތަކަށް ، ހަނގުރާމަ ކުރިޔަށް ގެންދަންވީއެވެ. އެޔެއް މިއެއް ނުބަލާ އިންސާނިއްޔަތާ އަދި ބައިނަލްއަޤްވާމީ ޤާޏޫނުތަކާ ޚިލާފަށްވެސް ، އިޒްރޭލުން ޣައްޒާއަށް ބޮންއަޅައި ، ޣައްޒާ ބިމާހަމަޔަށް ތިރިކޮށްލަންވީއެވެ. ޣައްޒާގައި ދިރިއުޅޭ ދެމިލިއަނަށްވުރެ ގިނަ " އިންސާނީ ޙައިވާނުން " ޣައްޒާއިން ނެރެ ފައްސާލައި ޣައްޒާ ޙިޞޯރުކޮށް ، ދުނިޔޭޣެ އެތަންމިތަނުން ޔަހޫދީންގެނެސް އެތަނުގައި ވަޒަންވެރި ކުރުވަންވީއެވެ. ކޮންފަދަ ޖަންގަލީގެ ޤާނޫނެއް ހެއްޔެވެ ؟ ޖަންގަލީގެ ޤާނޫނުވެސް އެހާ އަނިޔާވެރިއެއް ނުވާނެއެވެ. ޙާއިވާނުންގެ މެދުގައިވެސް އެއަށްވުރެ ބޮޑު އިންސާފެއް އޮންނާނެއެވެ. Bottom of Form
މިއަދު ފެންނަމުން އެދަނީ ، ދެވަނަ ބޮޑުހަނގުރާމަޔަށްފަހު ، އިނގިރޭސިވިލާތުން ، ދުނިޔޭގައި ފަތުރަންފެށި އަނިޔާވެރިކަމުގެ ލާއިންސާނީ ސިޔާސަތުގެ ފެށުމެވެ. ބައިނަލްއަޤްވާމީ ޤާނޫނުތަކަށް ބޯ ނުލަނބައި ، އިންސާނިއްޔަތުގެ ކަންފުޅެއްވެސް ނެތި ، އިނގިރޭސީންގެ ނުލަފާކަން ދެއްކުމުގެ ކޮޅުމައްޗެވެ. ހަނދާން ކުރަންޖެހޭ ކަމަކީ ، އެއީ މިހާރު ދުނިޔޭގައި ހިނގާނެ އެއްޗެއްނޫންކަމެވެ. ކުޑަދުވަސްކޮޅަކު އެކަން އެގޮތަށް ދެމިއޮވެދާނެއެވެ. އޭގެ ހިތި ރަހަ ކަރުބުޑުގައި ލަމުންދާވަރަކަށް އިނގިރޭސީންވެސް ހޭ އަރަމުން ދާނެއެވެ. އެމެރިކާއާއި އިނގިރޭސިވިލާތުން ދުނިޔެއާ ކުޅެމުން އެގެންދަނީ ، އަމިއްލަ ޙާލަށް ނުވިސްނައެވެ. އިސްލާމީ އުއްމަތް އެކަތިގަނޑަކަށްވާ ދުވަހު ، އިނގިރޭސީންނާއި އެމެރިކާ އޮންނާނީ ކުޑަކަކޫޖަހައިގެން ބިންމައްޗަށް ތިރިވެއެވެ. އެދުވަހަކުން " އިންސާނީ ޙައިވާނުން " ނަށްވާނީ ޔަހޫދީންނެވެ. ތާރީޚަކީ އިޢާދަވާ އެއްޗެކެވެ. ﷲ ގެ މިންވަރުފުޅާއި އިރާދަފުޅުން ، މުސްލިމުންނަށް ނަޞްރު ލިބިގެންދާނެ ދުވަސް މާދުރެއްނޫނެވެ.
